TAC 阿踢
從澳洲回來一天，今日整天耍廢！看了一朝youtube的～
之前旅行都是前一晚或是當天早上才看看那天要去哪裡，plan下食什麼早午餐等等
所以今日有點不習慣，因為起來什麼都不用想！
旅行回來我還未番工嗎？我mark大假到星期三呢，所以還可以好好享受多三天～
這個旅行感覺澳洲很香港節奏呢，而且最後我們待的地方perth跟香港是沒有時差的。
我以為可以慢慢由melbourne的時間慢慢轉回來，
但即使在perth待了一星期，還是六點半就醒了…
而且沉日我地仲係凌晨3點幾起身去機場…在機上瞓瞓瞓 然後回到香港是下午五點…
嘿！就是讓自己一直處於jetlag的狀態！！
這次一等就等左三年的旅行，發現有些東西變得不一樣了！
數碼相機好像變得不那麼需要了：以前去旅行都是靠數碼相機多，今次影兩影都在用手機了～廣角很多又zoom近好多！影月食的部份也沒有iphone4k影出來的好…而且相機又重…開機也慢一點點，所以到行程的一半吧？！拎都懶得拎出來了！
現金變得不那麼需要了：行程第一天去了sydney一個類似市集的地方，買d小食都用non－contact收費的，然後搭火車也都是用信用卡當八達通咁直接用，後來到ululu，它整個resort都是用non－contact付款！真係去到melbourne才有機會用下現金～但點餐時都可以用e－menu在上面有圖可以慢慢選擇，也不用多溝通就可以點到食物（這點作為旅客／怕同人講野的我真的感到很舒服），直接就會用信用卡在網上俾埋錢！連在彌撒奉獻也可以用non－contact…supermarket買東西用現金的話他們會round up…所以要好堅持用現金的人才真的會用現金…最後是在機場買酒才用得完…
上網變得很重要：我是一個很堅持的人，以前去旅行，即使只是三年前我都還是一個堅持不要帶wifi蛋或買數據plan，沒什麼事不要上網的人；因為以前整行程我都盡量仔細一點，路線就plan好晒，交通都搵好，甚至食的地方都計劃好。所以不上網根本沒問題，只要有紙本地圖就可以了； 雖然有時手上的資訊唔update變左吃閉門羹次數也不少，或走錯路兜很久也經常會發生，但從前都覺得這些是旅行必然會遇到的事，或許會成為趣事。總知覺得旅行就是要放鬆，要離開手機，離開社交！今時今日呢，真的只要有google map，就什麼都解決了，而且就很輕鬆的找好吃的～行程就將d景點篤晒落去個map到就可以有路線～除了航班check in呀，時間上更改呀，要去的景點有無開呀等等都靠map，app或email即時知道，所以不只是方便，輕鬆，而是功能上極依賴極需要上網。
EP28 規矩
今日想同大家講嘅係 規矩
咪住先，兩個禮拜冇見，同大家say個hi先
Hello~
好啦講少少啦，感恩今次去玩都一切順利，闊別三年終於行開下，對於旅行呢一件事，同以前都有啲唔同嘅感受，稍後有機會再同大家多多分享。
至於仲諗緊幾時去好，去邊度好，未中過驚去到中招嘅朋友，一律建議嗱嗱聲行動，千金散盡還復來，快啲出去呼吸下新鮮嘅空氣。
返嚟今個禮拜嘅題目 規矩
嗱，今日就唔會同大家認真討論”規矩”係一個社會入面嘅功能，同埋權力執掌者如何利用”規矩”達到所謂嘅秩序呢啲咁大嘅話題。只係想分享吓細小如參加一個活動，唔同人對於規矩唔同嘅睇法同埋應對。
正所謂: 個世界已經恢復正常㗎喇（除咗香港)，而家陸陸續續都多咗好多公眾活動，例如係跑步比賽呀，演唱會啊，座談會咁啦，仲連郊野公園都開返露營區。通常呢啲嘢大會都一定會預早講咗啲規矩，可以做啲咩唔可以做啲咩，目的都係想令活動可以順利喺預期時間，同埋流程之中進行。
舉個例子，等大家容易啲投入
例如去嗰啲隱世BBQ場，大會講明唔可以自帶酒水食物
咁就會出現三種人啦
第一種係，雖然自己都想拎啲靚野入去，但覺得好啦 咁就跟返人哋規矩入到去食人哋啲嘢囉，最緊要係成班朋友有個地方開開心心姐
第二種係，我都俾咗入場費你啦，我嫌你啲嘢唔好食唔食你啲嘢食我自己真金白銀俾錢買返嚟嘅嘢，有咩問題喎，你仲用少啲食物幫你慳翻。我就照帶㗎啦，到時唔俾咪拎返走囉。
第三種係，呢度真係唔係好啱我喎 我搵過第二間lu
假設真係去到現場，可能有10%嘅人係真係會帶自己嘢咋喎。
咁守規矩規矩嘅人見到有啲人會咁諗:
唉！早知我都拎啦，我冇拎好似蝕底咗
又或者指責:嗰啲人識唔識字㗎，咁唔守規矩
又或者埋怨大會: 搞咩呀，又話唔攞得，講過又彈出彈入
呢個世界係一定係有啲好守規矩嘅人嘅，亦都一定需要有我地。係呀。我都覺得自己算係好守規矩。
以前細個啲嗰陣，如果遇到呢啲事我都會埋怨，或者覺得自己蠢咗
不過而家人大咗知道定規矩係有原因，到左現場嗰個moment大會如果真係有空間，咪就係嗰啲比就人情唔俾就道理咯
又咁講，果10%嘗試跟自己方法嘅人，其實都要承擔風險㗎喎，可能佢會俾人當面話佢啦，可能佢又要原地帶返走啲嘢喎，只要佢考慮好哂，自己對自己嘅決定負責就得啦。最緊要係唔會衝擊規矩，到人哋指出你果陣仲要喺度死lur啫。
我唸我太知道自己性格係懶乖，怕break rule，就算真係見到有人突破咗規矩，成功咗，到下次再發生一樣嘅事，我都係會揀stay in my lane。所以都唔會太在意人哋點樣做。
講嚟講去，都係了解咗自己多咗同埋想活得自在姐
當我話自己係守規矩嘅時候
就有口痕友問:咁你會唔會衝紅燈？
預計大大聲話自己守規矩嘅人，應該包括埋遵守交通規則
不過我嘅答案係:梗係會衝紅燈啦！
聽過有人咁講過:紅綠燈存在，其中一個目的就係為左達到啲行人唔好比車撞到，咁我睇清楚無車又無手執髮人猿，過左去又無比車撞，咁都達到左紅綠燈嘅功能啦。
好似都。。。講得過去啊呵（我係以行人角度出發咋，大家自行思考是否能承擔風險再決定自己要點做，唔好人講你就做）
Comments