EP23 成長
今個星期想同大家講嘅係，成長。
咪住先，由後生變得成熟嗰啲應該就叫做成長
由成熟變得更熟，嗰啲應該叫做Aging。
有感而發係因為發覺電話電腦Mon越換越大，screen text size 亦都越set越大，畫面越較越光。早兩日望住公司一個新用嘅系統，畫面密密麻麻嗰啲字，我真係不禁感嘆一句：aging 真係好麻煩😮💨
諗返起早十年八年啦，當我聽到一啲前輩話:”呢張printout d字印得咁細睇唔到呀”，通常我就會覺得咁鬼麻煩㗎你。。。係囉，點解我個人咁普通嘅，唔親身經歷就唔識得體諒人哋嘅感受。不過Okay，識反思係會令自己進步，遲左知好過一世都唔知，立刻原諒左自己。
可能人生閱歷多左，見到鍾意嘅嘢，值得開心嘅嘢，或多或少以前都體驗過，即係好似d開心都來得無咁大衝擊。近年又見過太多差差差嘅事情，無辦法唔將”係咁架啦”掛喺口邊。又太知道想得到一啲野係要有付出，由細個一路默默向住想要嘅野出發，變成而家:計下數先啦，係咪真係咁想要，有幾想要，值唔值得咁咁咁黎得到先。。。
咁聽落好似越黎越唔好玩咁喎，淡淡然嘅生活啊！咁又唔洗擔心，一日仲有番工，一日都大把沖擊比你嘆！同埋番工有同事，唔同年齡層嘅人可以接觸下、平時無留意話題又可以知下。
不過又咁講，外在環境一回事，最重要都係心態 （講完都覺得太老氣橫秋)
Aging 如果只係身體機能方面，真係完全唔使怕，但如果係思想上面aging 固執、一成不變、停止探索就真係個人未bye bye 都提早玩完
Stay curious 幾時都需要，無所事事嘅時候八八卦卦咪有啲勢藝囉，甚至遇到挫折失望疲倦害怕嘅時候都可以stay curious，諗吓有咩其他可能性，諗吓下一次可唔可以唔好咁。如果痛苦嘅時候唔再諗可以點行落去，咁就只會停留喺痛苦嗰度🥲
祝大家到雙眼老花嘅時候，目光都可以保持望到遠近～
第三季塞豆窿進度報告 － by TAC 阿踢
這星期有繼續畫第3季的漫畫
盡量維持自己expectation低一點
哪怕只有不會動的圖 然後字幕或字卡在動就好
好想要把故事完成！
慢一點就慢一點吧～
low quality就low quality～我又不是當職業！
少一點批判自己
記得自己只係想make some fun！
製作這些只係想跟自己的互動！
分享出去是還掂都完成了就放上網分享～
不要每樣事都要做完美 容許自己做得爛 只要自己有得著就好～
驅走那個心靈不安的黑洞！
Comments