EP24 歡迎光臨
今日想同大家講嘅係歡迎光臨
相信大家屋企都有大大小小唔同嘅電器，尤其是日日都用嗰啲，用到咁上下就逼住要更換。
屋企個洗衣機最近暴走，乾衣嗰陣轉轉轉佢係會自己離開佢嘅崗位，越行越出，行到一個位仲會搞到廚房跳fuse。
第十二集都講過，我真係好怕啲d野壞㗎。洗衣機佢其實都咁嘅工作態度左好一陣子架啦，但係換洗衣機真係好大工程㗎嘛。使錢就事少，又要揀牌子又要睇啱款又要睇尺碼又要等佢嚟安裝arrr。
同埋我真係唔敢想像拉開個洗衣機後面係咩光景，嗱唔好話你唔驚啊，我唔會信㗎。10年累積嘅灰塵啊，會唔會有小昆蟲嘅bodies，到時真係唔知拎掃把好定吸塵機好，定係直接逃走好。
克服咗呢啲心理障礙之後，就真係要落手揀，之前聽朋友講買洗衣機又要睇吓入水位高低，全機高度，櫥櫃下面個位夠唔夠放，真係要逐一解破。
唔識嘅嘢就梗係問吓Google大神或者人類啦，如果要我落街面對面問產品專家就真係不了。 上網見到有間F字頭嘅大型電器鋪，聲稱網頁有即時通訊軟件真人查詢 ，（心諗：正喎唔使同人講嘢)，即刻同佢展開對話啦。
開頭係啲robot 問問題，到知道我居邊區同埋想查詢嘅電器之後，就指派咗個真•職員同我對話。
我都煩咗佢一大輪架，問左好多問題，對方都好有耐性回答，到最後我終於揀啱想要嘅嘢，我就問佢：「咁我應該喺你哋e-shop嗰度買呀定係落嚟舖頭？」
對方非常有技巧咁講：「我地XXX分店有你想要嘅Model嘅實物喎，你可以落嚟睇吓！」
我赫然發現，原來佢係喺正在某間分店返緊工，而分身答我呢啲網上虛擬顧客嘅查詢！
當然心裏面即時諗，佢公司都用得佢幾盡🤣
另一方面，又覺得好好呀，其實佢哋就真係產品專家，由佢哋答應該最有成本效益，嗱，公司要求同事做呢個任務嘅時候一定係咁講：公司而家喺網上幫你哋分店撈啲客人返嚟❤️
而家呢個時代，只要你自己知道自己想要咩型號同款式，上網一定可以搵到比起一般零售店價錢平嘅。深信亦都希望多啲人相信專業係值錢，最後都係同呢個網友見咗個面，落咗分店開單📝，一人做啲啦。
啊，我仲問咗佢，佢公司WhatsApp專線，係咪個個同事都要輪著答，定指定左人手。
原來個個都會幫手答，咁公司對佢啲同事都好有信心。
第三季塞豆窿進度報告 － by TAC 阿踢
持續畫了萬聖節系列的圖 畫得很快樂！
然後繪師飛雲邀請一齊出個萬聖節的故事接龍～
所以依個星期都在忙這個而未出新圖。
今晚看看會不會畫一幅？！
想畫女巫呢…但不善長畫女仔…然後要放光仔在哪…
um…是否要畫一個伴給光仔？伴侶or寵物之類的？？
有無提議給我？歡迎下面留言，or ig dm我～ thx
Comments