ep29 回顧
一年易過又聖誕，呢幾日周圍都見到好多年度回顧，搜尋網年度人氣冠軍，賣嘢嗰啲年度銷量冠軍，app store最佳應用程式呀，有啲重關埋你事添，即係你用開果啲音樂串流平台呀，Y字頭睇片嘅網，佢會話返比你知全年你聽得最多係邊隻歌啊，邊一首歌係連續loop得最多，某個夜闌人靜嘅凌晨你又曾經聽過嗰一首歌。
正所謂回顧過去展望將來，你又有無呢個習慣呢，會喺一年將結嘅時候回顧一下今年嘅所作所為，檢查一下今年年頭訂立左嘅目標又達成左幾多，然之後又為出年訂立目標。
我呢？我無架。。。唔好話今年呀，2020，2021日子係點過我都記唔起太多，以前講一個年份就係會記住嗰一年去左邊度旅行架咋嘛，呢幾年要講的話，對白可能會係: 哦，果陣岩岩第幾波呀，果陣要隔21日呀，果陣最多8個人食飯，果陣要doo doo doo，印象都好模糊lu，的確啲咁混亂嘅日子真係唔洗點記住。回顧的話，不如試下話大家知我今年煮野食成就解鎖🔓嘅菜式啊，整左啲咩麵包呀甜品呀。。。。。不過有得聽無得食，應該都幾搞事，所以都係唔好啦。
我想講嘅係，如果要回顧，入便嘅回憶大部份都係開心嘅，直接歸類做知足&感恩就得啦，出年？出年先算啦～
有人話多野想講嘅時候，大部份都係個人有所不安不滿足同發牢騷，最近發覺自己都越嚟越平靜，咁似乎呢個吹水環節，都可以唞一唞啦😌
TAC 阿踢
第三季還在緩慢地進行中～
不過應該會好慢 所以之後就唔每個星期打blog了～
兩三年前內心的不安為了找點別的事分散自己集中力而開始了畫畫
依一兩個月真的慢慢地，感受到內心真的開始平靜下來
人也成長了 覺得係時候可以停一停regular更新依件事！
相信沒有我們的大家星期一還是會過得好好的！
第3季卡通還是會完成的～！！大家也為自己繼續努力生活下去～
感謝陪伴我們渡過了這些日子！
嘟嘟～完！
Comments