渡過了忙碌的八月
九月就放了自己三天大假 想好好放空一下
容許自己什麼也不做 即使很想找些什麼事來填時間 內心很掙扎地想不如打開書看看 不如打打機？不如畫些東西？公司的顆伴給那些人客煩死了 於是連send數個msg想我知道和解決 其實需要的是我在公司才能解決 我問自己要消假嗎？ 然後覺得就跟schedule走就好 事情會解決得到的 只是要等待星期四 只是要靜靜地等待 理智要跟情緒打架 溫柔地告訴自己沒問題 沒關係的 只要等到星期四 現在就是要好好的耍廢 連畫也別畫亦沒問題！ 好好休息 隨心所欲～
讓自己放鬆 真的不做什麼也沒問題的 就坐著 靜靜的好不好？
這星期聽了魏嘉瑩一個幾年前的訪問
她說做創作就是要學會怎樣將「input變成output」！
覺得佢講得好好～讓我想起黃秋生之前講過一句，exactly的我忘了，大概意思是：
表演人人都會，點樣表演你個表演才是最重要！
這句話我覺得用在工作上一樣有用～
希望看到這裡的你都會覺得有點點的啟發！！！！
這星期我們一起加油～
分享兒時看過的卡通片
某個Something Monday開始
我們會分一部份說說自己兒時看過的卡通片給大家
我們是成長在電視汁撈飯的時代
我們是那時候的卡通片及兒童節目養大的塞豆窿
製作動畫時 久不久也會想起 兒時看過的卡通點滴
大家好！我係阿TAC，今天想跟大家分享的是「鬼馬砵砵車」！
好似係舊年的二三月咁上下時間，突然間網上「天竺鼠車車」好紅～我那時候看到，第一件事是想起的是細個看的鬼馬砵砵車！
本來對鬼馬砵砵車的印象就是一架黃色有個好大個的鼻的車叫「彭彭」，遇到危險的時候會聞花朵，然後就變得力大無窮，可以撞爛晒d牆同個都算是主角的男仔一齊逃出生天！（本人的印象啦～想了解更多講自己google一下資料，不要只聽我說）
然後上網打一打鬼馬砵砵車，原來2019年有出過product！what？廿幾三十年後出product算是情懷野吧？集體回憶的一種？
然後那篇報導說了些我無乜印象的劇情！（而我未打算花時間查証～嘿！只覺得好有趣想跟大家分享一下那個無印象的劇情～）有興趣請到這裡看click
它原文這樣說：
卡通《鬼馬砵砵車》（へーい！ブンブー）80年代在香港TVB播過，故事講一部剛剛從蛋孵化出生的車仔彭彭，跟媽媽失散了，主角健仔決定與彭彭一齊出發，展開一場「尋找他媽的故事」。
我真的記不起彭彭是由蛋孵出來呢！而且是在尋親嗎？那時候的日本卡通都喜歡尋親題材的？另一經典尋親的卡通片在我記憶裡是「小蜜蜂尋親記」！
這集真的很久遠 沒太多資料找到，就只能說這麼多了～
你對鬼馬砵砵車的印象又是如何？可以留言告訴我！
下個星期一是最後一集了～請繼續支持我地呀！ 下星期一不見不散！
塞豆窿上
寫在趕住去睇小薯茄六周年－it′s party time 的show的星期日下午
Lolo Knows － by 撈奴
EP19 家教
今日想同大家講嘅係家教
早幾日look 社交平台，見到有個樓盤廣告
內容係咁：
🚇真正地鐵上蓋
😊十號風球有茶飲
一睇覺得咩事，不嬲酒樓幾多號波都會開架啦，唸唸下原來意思係打風出便風大雨大咁危險，你都可以好方便，遮都唔洗開就可以有飯開。係嘅，呢個可以係selling point呀，不過我會唸起，原來所有方便到你嘅野，就係要靠人地嘅唔方便或者程度嘅犧牲嚟成就。係，可能有人會話:咁人哋人工包㗎嘛；又或者:吓？咁都總要有人開工㗎啦；又或者：好似話打風開工有多啲人工架；當然咁講都唔係錯，甚至可以話咁佢唔鍾意咪搵過第二份工。唔係想做道德塔利班，亦都尊重所有人表達自己意見的權利。我只係覺得，如果喺享受自己方便嘅時候，少少咁多顧念一下幫助緊你嘅人，多一份感激個世界應該會美好d。
好啦講咗咁耐要回應吓主題，家教係，當你細個腦筍都未生埋，唔識換位思考嘅時候，就係屋企人會提醒你要考慮買人哋嘅角度，
我記得細個嗰陣，有一次去到一間一人睇舖嘅小店，當時店員喺舖頭食緊飯我同家姐睇唔啱就走咗啦，跟住我話：啊！佢喺度食飯好大陣味呀！之後家姐神情有變，好認真咁講：其實我諗如果佢有得揀，都情願坐得舒舒服服安樂咁去餐廳食！
🤯 boom! 我直程覺得：點解我個人咁low咁普通咁樣諗嘢。亦都好多謝佢咁樣提醒我，咁多年過去我都仍然係好多謝教左我。而家人大咗就當然靠自己累積咗好多經驗。
所以話生命影響生命啊，一啲好嘅意念，係要講出口做出嚟，然後俾人睇到，製造一個氛圍
工作關係會接觸到好多嚟搵服務嘅客人，真係聽過唔少冇家教嘅人（仲要年紀唔細喎, 為咗佢哋冇得到好嘅家教而難過） 難聽過粗口嘅說話，
例如
「食晏唔約得？點解你哋要食飯嘅？」
內心回應：乜你唔使食飯嘅咩？
「我喺好遠特登過嚟㗎,點解你唔可以平少少俾我”」
我心諗：其實你有冇搞清楚你咁遠嚟攞呢個服務係因為我哋好，定係你覺得要平？Sorry唔會平
「星期日又唔開？最多人出街嗰日你唔開？我教精你啦，想好生意梗係開埋啦」
啊，唔好意思其實我冇你咁貪錢
「你呢行利錢好高啦，賺到你笑啦」
燈油火蠟都唔同你計，要接待你呢啲咁激動人心嘅客人當醫藥費都要啦
唉，唔好再講啦再講就變成我冇家教🤣
祝大家，學識將自己放落人哋對鞋度啦～
第三季塞豆窿進度報告 － by TAC 阿踢
倒數埋就開始！
Comments