這星期將塞豆窿第3季的大綱重新編好！
再俾編劇A 即係LOLO將第一集修改劇本～
之後就可以開始畫動畫！
既然進入大直路了
我決定倒數完點滴星期一分享懷舊卡通剩番的集數之後
就將上星期列出黎我還想分享的卡通片，每一個月出一集分享
即係由每星期一集 變為每一個月一集～
咁我就可以集中火力製作我的動畫啦！
都想看看自己一年來的進步～
分享兒時看過的卡通片
某個Something Monday開始
我們會分一部份說說自己兒時看過的卡通片給大家
我們是成長在電視汁撈飯的時代
我們是那時候的卡通片及兒童節目養大的塞豆窿
製作動畫時 久不久也會想起 兒時看過的卡通點滴
大家好！我係阿TAC，今天想跟大家分享的是「魔神英雄傳」！
魔神英雄傳是「機會嚟啦飛雲！」的出處！飛雲係香港的譯名，真名叫戰部渡～但由於我想講自己的記憶，所以都係用番飛雲黎稱呼啦，親切d！
我想講的係第一部魔神英雄傳，大概的印象就是飛雲係個善長滾軸溜冰和玩飛碟的小學生，有一日飛雲因為美術堂功課要和同學比較邊個做的黏土機械人有型d，於是造了個奇怪比例的兩頭身灰色的黏土機械人（後來會變為龍神號的）。睇開gundam的人一定好唔慣～當時同學們都覺得唔好睇
然後飛雲醒起早上番學校的途中拾左串紅色的珠鍊，飛雲將條鍊放在黏土機械人的頸上，同學們就即刻覺得兩頭身的機械人會有型一些。仲幫佢改名叫龍神號！
之後飛雲放學的時候路過龍神池，有條金色的龍將佢帶到創界山，去到創界山飛雲被稱為傳說中的救世者，要拯救因被魔王多古達支配而七色彩虹失去顏色的創界山！
進入黑化的創界山之後，認識了美子，河馬師傅！又遇到後來由邪變正，成為他們一份子的雀仔，故事後段大魔王的兒子：魔界王子虎王不時出現（在不知道大家真實身份狀況下）竟然和飛雲佢地friend了，仲誓要娶美子為妻！
但到故事尾聲，虎王知道了飛雲原來是來討伐大魔王的救世者，所以反目成仇仲將飛雲打到一仆一碌！不過虎王後來得知，大魔王完全唔顧念佢地係父子，想犧牲虎王…好彩有個近身暗黑天王幫虎王擋左（亦因為咁犧牲左…）。虎王當時話：可能佢係壞蛋，但佢對我比我自己爸爸（大魔王）仲要好，而暗黑天王死前最後同虎王講：如果有下世，我還想在虎王殿下身邊…暗黑天王的死對虎王好大打擊，於是虎王才決定倒戈幫飛雲打大魔王！
打敗魔王後才發現，虎王其實係俾大魔王洗左腦，本來身份是創界山女王的仔，即係創界山的王子，叫翔龍子！虎王本來性格器張，覺得自己係全世界最勁的死0靚仔，討厭卑鄙的行為，變番翔龍子之後個人都變得謙虛溫和，搞到好無性格…連美子都覺得翔龍子都係變番做虎王比較好～
印象深刻的場景有：
飛雲用必勝包剪揼就可以順利贏了全部的壞兵（覺得太容易了吧…然後隔天回學校玩猜皇帝個個人都出必勝…令這遊戲變得不好玩…）
美子係忍者，負責搞笑吧～而且經常洗出d無用的忍術…但佢係忍部一族的第13代頭目！美子的爸爸出場的時候係隻小馬騮頭上面有頂用紙摺的帽，好似係可以摺成飛機戴佢飛的！有集變番人樣，好像是個靚仔來的。）
雀仔其實係人黎的，最後擺脫詛咒變番人，但已習慣雀仔造型，而美子都鐘意佢雀仔造型多d，所以竟然keep番唔做人…當時小學生的我覺得點解咁無謂，打生打死就是想變回人…最後又放棄…
河馬師傅如果無電話亭就召唔到自己的戰神丸，成日為搵電話亭而奔波！仲試過幾經辛苦搵到電話亭但係無散子而召喚唔到戰神丸…（當時覺得佢好無用啦～嘿！話晒係繼美子變了馬騮的爸爸以外的唯一大人嘛）搵資料時話因為作者好喜歡鳥山明的iq博士裡面的則捲千平～所以河馬師傅同佢係有幾分相似～唔知係咪真架呢？
以上就是我對魔神英雄傳1的印象啦！
你對魔神英雄傳的印象又是如何？可以留言告訴我！
如果想密切注意我們影片的話，請follow我們的IG ＠suckdouloan 和 subscribe我們塞豆窿youtube的頻道呀！去spotify聽我地的podcast呀！
請繼續支持我地！ 下個星期一見～
塞豆窿上
寫在有d眼訓的星期日下午
Lolo Knows － by 撈奴
EP14 比個like呀
早幾日睇咗篇文章，係講呢個城市缺少讚美
Tagline 係 “佢哋一讚人就hang機”
係喎，有幾可聽到人當面讚人嘅呢
喺背後評論人哋就多🫢
究竟係唔識得讚人定係唔肯讚人呢？
等我試吓先：
「真係唔該晒你呀，你真係好人」
「寫得真係好呀，一睇就明，可以幫到佢哋易啲記住」
「好彩你揀呢條路咋，避開晒啲塞車！有經驗係唔同啲」
Em…似乎唔係好難啫，平時都有聽過呢啲
不過又有下邊呢啲個喎：
「你真係整得好好，好靚呀。。。不過如果價錢可以平少少就好」
「嘩呢個好好味。。。不過份量少咗啲」
「係幾好嘅，不過都好易整啫。。。咁咁咁咪得咯」
咁呢啲似係唔肯讚喎！係咪太唔容易欣賞別人，定係對別人期望過高，又定係太過腌尖啊，係咪對住唔太熟嘅人，讚賞就變得好困難？
嗱呢個「唔識讚人」係包括埋唔識讚自己㗎吓
過度讚賞自己會變咗自大啦，自我膨脹，仲好可能會逼人跟住你果套嚟做。
吝嗇讚自己又會長期都覺得自己唔夠好啦，自我形象低落，下次都唔想努力
如果否定自己嘅話，當自己俾人讚賞嘅時候仲可能唔識點反應
傳統文化，學校屋企人成日都教要謙虛，
如果有人讚你
你可能會回應：
「邊係呀，阿邊個做得仲好啦～」
「唔係啦，我開頭整都係一pat野咁架~」
「邊夠你勁呀~」
大個左，當有讚賞，首先會諗吓對方應該都係講客套說話啫，跟住再諗吓係咪想暗串我做得唔好啊，跟住又再諗吓對方係咪想奉承我攞着數。。。
原來讚人讚自己同埋俾人讚都要練習先做到
睇嚟由讚人入手會比較容易啲，正所謂生命影響生命，多啲人讚人，就多啲機會俾人讚，到時再練下點樣接受人哋嘅讚賞啦~
等我模擬一下，有人讚Loloknows果陣我要點答：
「多謝你呀！你真係心水清！睇得出我用咗好多心機去做❤️」 祝大家對自己控制唔到嘅嘢唔好捉得咁緊啦，放過自己啦～
如果想聽番之前的LOLO KNOWS，可以睇番之前的blog架！
第三季塞豆窿進度報告 － by TAC 阿踢
下星期三就開始角色造型設定，場景設定！
進度：資料收集中
Comments