決定倒數完這幾套卡通後 暫時停更youtube
感覺其實不錯～
不過最後一集那套片應該真的不會找到什麼資料～
那是鬼馬bubu車，跟肥牛牛布斯和動物奧運會差不多年代的東西～
以那套作結有點不好的感覺
可能掉一掉d次序！
之後依個電子報會繼續發怖近況和撈奴的lolo knows！
今次開始的youtube可能要改改開場白～
分享兒時看過的卡通片
某個Something Monday開始
我們會分一部份說說自己兒時看過的卡通片給大家
我們是成長在電視汁撈飯的時代
我們是那時候的卡通片及兒童節目養大的塞豆窿
畫畫快兩年，當初是情緒快崩潰覺得要找點別的事做才開始了這畫畫旅程～
舊年5月開始為逼自己每星期練習畫公仔而分享記憶中睇過卡通片
後來到了九月就由第21集開始試下製作埋動畫 果時計劃分享52套卡通 一星期一套 做夠一年就停
完了第52集之後就補回1－20集的影片～
的確這裡的內容都會錯漏百出 又多錯字 而且好多好矇的圖做過場
竟然有咁多人願意訂閱我們頻道又留言給我們 真的感激不盡 謝謝你們的愛！
亦謝謝畫畫依件事，在我感到乏力時，不知不覺地療癒了我 帶給我力量繼續行我的人生路
最近我有覺得自己受傷的地方在癒合 人生閱歷有變得比以前強了少少
看東西的角度多了
很抱歉地我決定倒數卡通完畢後先停更youtube休息一下
那未介紹的卡通就先留在心中好了～ IG繪畫會繼續緩慢更新！
大家好！我係阿TAC，今天想跟大家分享的是「蠟筆小新」！
印象中當時小新是晚上才播的卡通片？而且因為是亞視，所以都無乜在電視機上看的！反而是看漫畫的～媽媽有久不久買一兩本給我～
依套卡通叫蠟筆小新，因為蠟筆是幼稚園小朋友經常用來畫畫，小新就是主角的名，全名係野原新之助，係一個五歲讀緊幼稚園的學生。打這篇blog時找找資料才知道小新的原作者：臼井儀人已經在2009年因登山發生意外而byebye了。聽說小新兩條粗眉毛的設定係因為作者嫌自己眉毛太稀疏！
蠟筆小新跟其他卡通片不同的地方在於，內容都有dd大尺度，有大大小小的成人成份，對中小學生來說都幾大膽？小新性格幾抵死，鐘意大姐姐又經常露蟹，因為溫泉不能有紋身而擔心自己不能進去，因為自己在身上畫了個小象公仔…見到漂亮姐姐會以“你喜歡吃青椒嗎？“來做開場白，可能好多人都不喜歡青椒？佢也不鐘意，就可以打開話題了！有時仲會進擊d對住大姐姐講“我今年5歲，還未結婚的“！如果自己的細路同小新一樣的話，應該做家長的會癲左！
最初故事圍繞小新經常激嬲媽媽美冴，美冴呵索小新爸爸廣志的日常生活？！中間有加插一下番幼稚園和朋友仔的生活，之後越來越豐富，加入寵物狗仔小白和妹妹小葵！
他的寵物小白很有趣！不說話卻用表情表達了很多無奈～又不斷被小新拖來拖去都沒有斷氣！我一直都唔知道成舊棉花的小白係咩品種的狗仔，上網睇先知道原來係摩天使～～～～～～
原來小白初時登場是被遺棄在街邊，發現牠的並不是小新，而是他幼稚園的朋友仔風間，妮妮，正男和阿呆！小新只係咁岩路過，見到佢地圍觀先睇下咩事！後來因為其他人都唔肯收養，小新就帶左小白番屋企！
小白多才多藝識得玩雜耍，仲幫手買食送﹑打掃﹑做家務等，而且拯救過差點高處墮下的小新和墊住要跌的小葵。但由於唔識講人話，所以經常被小新嫁禍，被美冴誤會…
大概係記得咁多啦～
你對蠟筆小新的印象又是如何？可以留言告訴我！
塞豆窿上
寫在八月的最後一個星期日黃昏
Lolo Knows － by 撈奴
EP17 Mami~
暑假咁就放完~
今年嘅暑假同岩岩果個🐎颱風馬鞍一樣，黎得快走快，暑假完咗即係咩啊，即係開學咯
雖然學校呢樣嘢已經離我好遠，但係身邊都有唔少持有小朋友既家長，密鑼緊鼓為咗開學準備。
開學最精彩梗係要講幼稚園開學日啦。我當時嘅表現，喺咁多個年頭過去咗之後，都仲係會比屋企人拎出嚟講嘅事。記得間幼稚園有個好大好大嘅操場，一開頭係同mami一齊入去，又上下課室咁，又去操場sir 下滑梯，忽然！一夠鐘！家長們就要喺操場鐵閘外面目送佢地啲小朋友。當時得個幾歲嘅我，突破咗老師們嘅防線，狂奔去鐵閘嗰度大叫Mami~Mami~又狂喊，崩潰左咁樣。總之就係覺得會唔可以呀，點可以分開我地~間直係90年代經典手錶天長地久廣告，戰亂之中俾人分開嘅男女主角一樣(好明顯呢個係我個人嘅主觀視覺)
相比之下，我家姐第一日返學就完全係好似去玩咁，聽講佢喺鐵閘嗰度仲同Mami 揮揮手👋🏻 「bye bye Mami~ 唔使等我啦」
性格呢啲嘢就真係細細個就定。
今日諗起幼稚園呢個片段嘅時候，忽然之間係我回憶嘅深深處，搵返有件事，已經好多年冇諗起過，原來當時我升F1嘅時候，返學頭嗰幾星期係好困難，完全調節唔到，感覺好孤獨好驚，因為F1仔一定要參加啦啦隊📣，一個星期有幾日要留喺學校搞到好夜。果時唔知嗰個係咩感覺，淨係知道我好想早啲返屋企，甚至有晚食食吓飯，我望住個天同自己講：我最多讀到中三架咋，之後就可以成日都留喺屋企🥹
聽到呢度大家係咪覺得，#點解學校無教情緒科
（我有follow佢呢個IG page，大家都可以去睇吓）
結果？結果梗係好快就識到啲豬朋狗友同學一齊玩，乜事都冇啦。
回顧番，原來以前每次去到新嘅環境，都係需要特別多嘅時間適應，而且通常都會伴隨着好多焦慮。不過隨着人越大，情感又被照顧得好，今時今日嘅我已經提升左~外在環境呢啲嘢好小事，最緊要係做啲自己會開心嘅事，氹左自己開心先。
祝大家照顧好自己，再去照顧他人。
聽眾龍躉媽投稿
投稿: 珍惜眼前人
經歷老豆老母中招，要同龍哥自己3星期湊仔，公公婆婆真係好辛苦~
發現好多野都一直take it for granted，所以要好好珍惜宜家有ge野💕
第三季塞豆窿進度報告 － by TAC 阿踢
新想法是轉做ig reels直式出故事～
Kommentare