這星期突然就迷上台灣的魏嘉瑩和溫妮的期間限定組合～！
狂找她們的訪問來看，還買了她們的EP～
主要是想收藏那個歌詞本啦！
被她們吸引的原因大概是：
堅持自己想做的事
找到互相欣賞的朋友變成伙伴陪伴並一起做別人不看好的事
傻更更的在殘酷現實肩並肩走下去
努力的人開始被看見…
不禁在想自己人生下半場還有什麼想做嗎？
畫畫快兩年，當初是情緒快崩潰覺得要找點別的事做才開始了這畫畫旅程～
最近有覺得傷口在癒合了 人生閱歷有變得比以前強了 看東西的角度多了幾個維度
謝謝畫畫在我感到乏力時柔柔地療癒我 帶給我力量繼續行我的人生路
決定倒數卡通完畢後先停更youtube休息一下
那未介紹的卡通就先留在心中好了～ IG繪畫會繼續緩慢更新！集中火力畫塞豆窿第3季！
分享兒時看過的卡通片
某個Something Monday開始
我們會分一部份說說自己兒時看過的卡通片給大家
我們是成長在電視汁撈飯的時代
我們是那時候的卡通片及兒童節目養大的塞豆窿
製作動畫時 久不久也會想起 兒時看過的卡通點滴
大家好！我係阿TAC，今天想跟大家分享的是「Q太郎」！
Q太郎是由藤子不二雄（這名字是兩個作者：藤本弘即藤子·F·不二雄和安孫子素雄即藤子不二雄Ⓐ合作共用的筆名）創作！後來他們拆伙，之後因板權問題就無乜發表Q太郎的故事了。
有隻歌教大家畫Q太郎的（跟叮噹那隻差不多），唔知大家記唔記得？“畫香腸煎雙蛋雙蛋當係眼香腸兩頭彎加隻大草菇俾佢做件衫再加三條蔥…“ 嗯，聽說本來Q太郎應該要有10條頭髮，但因為懶得畫的關係（？）變了只有3條毛…
LOLO記得Q太郎原來是隻鬼！但身體是黑色的（竟不是透明？）好似係男主角正太幫Q太郎搵塊白色枱布笠住扮係衫黎！然後他的衣櫃全部都是一式一樣的白色枱布衫！後來superman，batman，老夫子甚至係facebook創辦人都是這樣！
Q太郎的設定跟叮噹差不多，有個細膽的男主角正太想追班上的女仔，有個大大份蝦蝦霸霸的同學，又有個自大有錢仔同學！
故事係講正太和朋友在竹林中玩忍者遊戲時，無意間發現隻很大的蛋，點知最後孵出了Q太郎，於是Q太郎就住在正太屋企！Q太郎識得隱形同飛，佢話來到人類世界是為了變成“人“～其實Q太郎曾出現過0係叮噹的漫畫裡面的，係技安和牙擦仔用萬能機場召喚降落！然後叮噹大長篇動畫中也試過在大雄和叮噹招鬼時招來Q太郎～
咁都介紹下其他角色先！O次郎係Q太郎細佬，剩係識得講：吧gee啦打！可以算是pokemon比卡超d friend吧，都是不斷重覆用同一句黎表達自己！
仲有來自美國，心口有個星星符號的杜龍！靠住心口的星星，杜龍可以變為任何東西～雖然佢經常同Q太郎鬥氣，但其實心地好善良～而且仲一心要娶Q太郎妹妹P女做太太！杜龍寄居0係神成伯伯的屋企，神成伯伯係正太的鄰居，當正杜龍係親生仔咁！聽講神成伯伯就係叮噹入面經常被大雄佢地打破屋企玻璃窗果個伯伯！
有關Q太郎的官方結局有兩個：第一個係1966年的：Q太郎來到正太家三年後，終於下定決心要離開到外面闖，於是留下了一封信給正太一家人就不辭而別！杜龍佢地後來一齊呼喚Q太郎，Q太郎回來交代一切之後就說了一句：「我以後還會回來玩的」就飛走了！成為了下個續篇的伏筆～
第二個結局在1973年發表的，內容是過了15年後，Q太郎重回人類世界與正太重聚，25歲的正太已經係個上班族，並已成家立室不過唔係兒時心儀對象～可惜，Q太郎感覺到與正太相處變得不自然又有點寂寞陌生，始終有家庭又要工作呢～Q太郎為了不打擾正太倆小口最後悄悄離開了！依個結局充滿慨嘆和傷感…不知是否反映緊大家的現實？30歲之後好多朋友結婚有自己家庭，有d為工作奮鬥而見少了面，聚會時突然發現那堆跟小時候無憂無慮膩在一起通宵達旦乜都可以講的朋友們已經變得不一樣了～或許這就是成長的必經階段呢！
今日就講住咁多先啦～
你對Q太郎的印象又是如何？可以留言告訴我！
請繼續支持我地呀！ 下個星期一見～
塞豆窿上
寫在忙忙的星期日下午
Lolo Knows － by 撈奴
EP16 拖延症
IG有個功能係可以follow啲Hashtag,咁平時碌果陣除左你follow開嘅account同海量廣告之外間唔中就入會出現呢個我follow左嘅#procrastination
係呀， 拖延係我嘅生活日常。好似呢個podcast咁，一開始係預逢星期日發佈新一集嘅，結果都暫時仲守得住，最多只係好夜好夜先出。
對拖延症嘅人來講，”開始”呢一下，真係難過咩！就係唔知點解好唔想開始。
通常週中我就會定左呢個星期想講咩topic，但就係明明成個星期六流流長，都唔拎起個notepad寫稿，到左星期日，就同自己講去完教堂先啦；番到屋企又會覺得兩點啫，都仲可以睇下youtube先啦；之後三點其實不如打下機先；到四點攔上床準備㗎啦，嚟㗎啦。。。又會瞓左晏覺；醒左如果唔夠堅定就會説服自己食完飯再寫啦，夜食飯無益。
好啦真係踏出第一步，開始啦。。。又要面對第二個挑戰，就係分心！用手機打稿，打唔夠兩句個腦就會忽然諗起，啊下個禮拜有一日好似要去拎嘢喎，開個Calendar睇下先
又搞一大輪
再返嚟寫多兩句，等陣煮嗰個晚餐嗰啲豬扒使唔使醃定先呢？又走去睇吓個食譜
如是者而家7:11太陽都落咗山喇。。。我仲寫緊😂
有時我會諗其實我未必係拖延症呀 （吓！？)，只係我成日都太有計劃，太早諗定要做啲乜嘢，都發生嘅時候咪有其他行程改變左我原本嘅計劃嘅啫
（係咪有少少講唔過去。。。）
講返個IG hashtag先，大部份post都係提議人點解決呢個病，例如馬上行動，又例如係list out要做嘅事成好多細部份，一步一步做。。。
又有啲係會拖延嘅原因，好多時啲人誤會拖延係懶惰嘅表現，但底層嘅原因有機會係因為對要做嘅事有焦慮，另外一啲就係完美主義者啦要諗左諗右，過度思考。 （我覺得講得幾啱，嘿嘿）
佢哋話拖延症嘅人行動嘅最好Timing就係：「遲吓先啦」
係呀其實都幾攰㗎，就係不停咁樣好想開始做一件事，同時搵一萬個理由說服自己遲吓頭先啦，然之後又少少責怪自己點解唔早啲開始做，到真係做完之後又想其他人讚賞自己，終於完成呢個任務。。。 🔁 以上就係我日常生活既一個循環
祝我每個禮拜都可以戰勝拖延症，準時update LoLoKnows啦
第三季塞豆窿進度報告 － by TAC 阿踢
這裡越寫越少字呢～
根本零進度！
進度：我會努力
Comments