黎到分享懷舊卡通的倒數第3集了！
今個星期大家過得好嗎？
對這星期的記憶點是聽了台灣宇宙人的一首歌：如果我們還在一起
如果有遺憾的人聽到一定喊爆呢～
但是
天知道在未來的某天
你們真的走在一起
然後翻開人生下一個篇章也不一定！
人生是無限可能的～
祝你相信每件事發生都是最好的安排！要有希望地生活下去！
你會得到幸福的～
分享兒時看過的卡通片
某個Something Monday開始
我們會分一部份說說自己兒時看過的卡通片給大家
我們是成長在電視汁撈飯的時代
我們是那時候的卡通片及兒童節目養大的塞豆窿
大家好！我係阿TAC，今天想跟大家分享的是「忍者亂太郎」！
講起忍者的卡通除了火影忍者，下一個會諗到的就係忍者亂太郎！最有印象應該是日文主題曲吧？那個年代通常有中文的主題曲，就係依套用原曲！所以比較有印象？
這是一個講就讀忍術學校一年丁班的三個忍蛋學生：小丸﹑亂太郎和新丁上堂學忍術和遇到麻煩的故事。忍術學校的地點是隱藏在某個深山裡面，詳細地點是個秘密。只要有繳學費任何人都可以就讀，但易入難畢業～小丸佢地三個一讀就讀了33年都仲係一年丁班啦 嘿嘿！應該係2019年年尾作者因為中風後身體大不如前所以才停止了連載！
主角之一亂太郎屋企是世代出身貧苦的三流忍者，亂太郎由於想成為一流忍者而進入忍術學校！亂太郎的名據說是因為亂太郎和作者本人一樣有嚴重散光（日文叫：亂視）而得名！亂太郎是全一年級中跑最快，是一百米跑十秒的高手！而且擅長畫畫，時時在需要尋人的時候，靠畫人像來幫手搵人！亂太郎是三個主角入面最正路的角色，為人善良但亦都因為咁成日捲入麻煩的事裡面～在忍蛋宿舍中，亂太郎與小丸及新丁係住同一個房的！
之後就講下我自己細個最鐘意的小丸！尤其係佢見錢開眼個樣：雙眼變銅錢又露出一對虎牙最搞笑～頸上面會有條黑色圍巾好有型！小丸原來係孤兒黎的，屋企人因為戰爭已byebye了，所以小丸自細就靠自己日夜打工賺生活費學費！難怪佢咁世故又咁著緊錢的～小丸可以聽到千里之外的掉錢聲音，亦可以靠聲音和氣味分辨出錢的真偽！計錢的話，心算可以達到8個位，很識做生意！放假的時候會寄住在土井老師屋企，同時做好多份兼職！
新丁係有錢仔，佢爸爸想新丁鍛鍊下身手所以黎左忍術學校讀書！佢除了食同瞓之外，最厲害是成日流出黎的鼻涕可以當武器，有試過墮崖時用鼻涕當救生繩救番大家一命！
土井和山田老師係一丁班的指導老師！其中滿面鬆根的粗眉大叔山田老師就好鐘意扮女人…
仲有校長隻狗嘻嘻，每日負責用頭敲響放學的大鐘！仲有仲有唔俾人食剩飯餸的飯堂靚姑，只要餐盤有剩餸的話佢都唔俾人離開飯堂！仲有對手毒菇城忍術學校的校長八方齋，個頭好大好重，一大笑就會向後跌起唔到身要其他人幫手扶番佢起身！！！
大概係記得咁多啦～
你對忍者亂太郎的印象又是如何？可以留言告訴我！
塞豆窿上
寫在忙碌的星期日下午
Lolo Knows － by 撈奴
EP18 再見
今日想同大家講嘅係「再見」
咪住先咪住先，唔係個podcast講再見，我仲會繼續錄嘅，係個題目叫做再見。
一世人流流長，真係要面對好多離別，有啲係短暫，會再見的，有啲係永遠，唔會再見的。
相信每一個人，喺唔同階段對於呢一個課題都有唔同感受。
而家嘅我，每次遇到喜歡嘅事，或者重視嘅人，都會提自己一定要捉住最美好嘅時光，因為所有美好嘅嘢一定會有完結嘅一日。我諗呢啲唔係悲觀主義，而係知道當件事有個限期，先會更覺得珍貴。
可能你會話，講係咁講啫，到真正要分開嘅時候其實都會好傷心。係呀係好傷心，係好唔捨得，係好想返去以前，但係我更相信所有劇情其實一早寫好左，遇見有時，分別有時。散了就散，或者將來會以唔同嘅方式再聚，又或者唔會，就好似兩條直線交叉過後越走越遠。
與其喺度擔心第日會遺憾，倒不如可以盡興嘅時候選擇去盡興，傷害左人哋嘅時候選擇去修補，感激人哋嘅時候選擇俾佢知道，喺佢需要嘅時候選擇陪伴，因為好多嘢其實都真係冇take two。
正所謂每一次相遇就係離別嘅開始，喺應付過每一次對你生命有相當份量嘅離別之後，一定會為你以後嘅日子帶來一點點改變，所有發生過嘅嘢都係好嘅。
祝大家，記住果種曾經被觸動嘅感覺，之後繼續move on
第三季塞豆窿進度報告 － by TAC 阿踢 上上星期的新想法是轉做ig reels直式出故事～ 覺得應該都行得通！所以之後就應該會以這個形式出故事！
Comments