LOLOKNOWs已經黎到第10集啦！搶先聽請按這！
今個星期覺得悶悶地
好似好耐無同其他人合作畫畫的活動咁
所以在ig story問有無人有咩idea
黎緊14號開始連續四個星期四每晚8點會進行故事接龍～！（其實只係一張圖幾句只定關鍵字的故事咁）
我係第2棒（21/7）!!
有點興奮的感覺～呵呵呵
你今個星期又有無諗住搵d咩刺激咁呢？
分享兒時看過的卡通片
某個Something Monday開始
我們會分一部份說說自己兒時看過的卡通片給大家
我們是成長在電視汁撈飯的時代
我們是那時候的卡通片及兒童節目養大的塞豆窿
製作動畫時 久不久也會想起 兒時看過的卡通點滴
大家好！我係阿TAC，今天想跟大家分享的是「咕嚕咕嚕魔法陣」！
咕嚕咕嚕魔法陣好睇的地方在於d角色好亂來！無記錯勇者仁傑本來只係一個貪生怕死咸濕無腦的賊仔？佢會突然chok樣，有事就第一個走先，抵死的旁白成日串佢：你咁樣算係勇者嗎？
第1集係俾自己爸爸媽媽威逼利誘，要仁傑完成父母小時候無完成的勇者夢。仁傑感覺唔做勇者留0係屋企更危險而格硬去參加了國王的勇者測試？！最後仁傑順利0係個箱到抽左把劍出黎，順利成為了勇者。仁傑都因為咸濕所以有動力去救人，又因為怕死而身手敏捷，避開敵人的攻擊！
歌莉是最強暗黑魔法咕嚕咕嚕的繼承人，但就成日畫錯魔法陣召喚了堆無用的野出黎～好似剩係識打嗝的貓﹑奇怪植物﹑肌肉妖精等～不過，有集歌莉召喚了隻貓出黎，隻貓剩係識發出低頻聲波，外表毫無殺傷力……結果對方的魔法師一聽到隻貓d聲波，竟然異常痛苦，仲令佢喪失鬥志…是一個非常厲害的魔法陣！
猥褻嘔心的結他他老伯當然也是重要人物之一！佢本來是結他他村的村長，本來結他他舞是由年輕的女村民來跳，但因為村裡沒有出生女孩，所以佢決定自己學習這套自遠古就流傳落黎在神明前祈禱的結他他舞，免得失傳！而有集佢地三個遇到強大的對手唔夠打，仁傑就意外發現自古流傳的結他他舞原來係藏有召喚強大惡魔比蒙比蒙的魔法陣圖案！要歌莉緊緊望住結他他老伯的屁股動作學畫…
仲有風之精靈傑保倫，經常講完一段說話會迎來一陣風，吹起佢件斗篷，露出佢只著底褲檔布的身體…傑保倫主要的作用是作為帳篷，不過仁傑和歌莉就要望住傑保倫的底褲檔布黎瞓覺…
我睇的咕嚕咕嚕魔法陣是94年有45集的版本，當時的結局好似係歌莉唔想咁快打敗魔王之後要同仁傑分開，所以縮沙走了話遲d先再打過就完了（好似係？）。後來知道2000年出了第二集，到2017年仲有由頭到尾重新製作的版本，不過得24集，所以1cut了很多劇情，連旁白的戲份都cut走了～雖然可惜，但加了兩個角色，一個女巫一個製造工道具，這樣節奏應該比較緊凑！
對這卡通內容其實無太多記憶，反而是藤麗明唱果首主題曲：變化難去估豹變成老虎你會問何故～就記憶猶新！
以上是對咕嚕咕嚕魔法陣的謹有記憶！你又有什麼印象呢？請留言話我知～
如果想密切注意我們影片的話，請follow我們的IG ＠suckdouloan 和 subscribe我們塞豆窿youtube的頻道呀！去spotify聽我地的podcast呀！
喜歡的話請訂閱我們的電子報，每星期一早上七時搶先電郵給你！
請繼續支持我地！ 下個星期一見～
塞豆窿上
寫在嘆了杯好好味的lemon black tonic的黃昏
Lolo Knows － by 撈奴
EP10 社交轉運
“疫情關係”呢幾個字都唔知講左幾多個月，到底已經經歷左幾多個波，又唔再留意每日有幾多個cases。
成日聽到有人話：「到第時回復正常之後，就可以咩咩咩啦」 我就會唸，係咪真係會好似以前咁呢……呢兩年cancel左無數個飯局，聚會，活動，社交生活清哂零。
計計下成半年無出過街食飯睇show睇戲，食果度主要自己都鐘意煮，又好多餐廳都出左高質素冷凍包，又有外賣app,又有誇區外賣團購,大把野食唔洗出街食！
不過上星期就終於出關入戲院啦，有少少唔習慣，因為平時睇戲一定係坐最後一行，個院都算大，望出去好似好多人咁，又咁岩有個小朋友喺度依嘩鬼叫，搞到個頭暈一暈，太耐無見過咁多人……
而家有少少想像唔到，未有疫症前嘅社交生活係點，好似一個世紀之前咁。呀，食飯要對住人傾計無得睇youtube，夾餸要用公筷，食完無得即刻攤上梳化抖下（係呀，煮完飯好攰通常要休息番幾個字)um 下星期約左朋友食飯，祝我好運啦
By the way, 個題目社交轉運係無關係架，9up的，我全家都好幸福喎！
如果想聽番之前的LOLO KNOWS，可以睇番之前的blog架！
第三季塞豆窿進度報告 － by TAC 阿踢
面對第3鏡頭因為畫左少少動畫的部份
覺得不錯 所以就繼續完成那些動畫了！
畫了5－6格～
其實計起稿的話，第一集好似係有20個鏡頭（暫時）
嘿…
進度：繼續停在第一集第3鏡頭
Comments