五月頭開始和撈奴進行了一個飲水計劃！
每天飲大約2000ml或以上的水～
主要係因為我本人本身一天通常只飲一杯﹑最多兩杯水～
有感對身體真係唔係幾好，
所以就無啦啦開始了依個計劃啦！
現在已經6個星期，
只有3日唔達標～算是幾滿意的成績！
一開始我地0係notion開了個checklist，
我和撈奴各有十項，
每項寫住280ml！（因為我番公個杯的最大溶量就是這個）
而每次飲完一杯就會剔一剔～
由於我可以睇到撈奴飲了幾多水，
所以有少少競爭的感覺～
互相覺得好像不能輸給對方！
所以都執行得唔錯～～～～～
而本來只是想飲2000ml，但大部份時間都可以飲到2500以上～
大家最近如果沒什麼雄心壯志但又覺得個人好頹的話，
不妨搵d野挑戰一下呀！
這個星期，也請一起努力呀～～～～～～
分享兒時看過的卡通片
由某個Something Monday開始
我們會分一部份說說自己兒時看過的卡通片給大家
畢竟是成長在電視汁撈飯的時代
我們是那時候的卡通片及兒童節目養大的產物
或多或少是這個原故 才有現在製作漫畫類卡通影片（我不認為自己是在造動畫～嘿）的衝動！
今天想跟大家分享的是「飛天少女豬事丁」！
依套卡通是說一個笨笨地的女仔做超人的故事吧？主角是個中學生叫國分果林。本來是個運動白癡﹑成績平平的果林，第一日番學的時候遲了起身，趕番學的時候救了隻黃色的豬仔！原來隻豬仔係布力哥星的王子，全名叫東拉利亞諾三世（個名太長，所以果林就叫佢做東仔）！
東仔因為是王位繼承人，所以父王按照傳統派他來到地球修行！都因為咁岩遇到果林，東仔俾左個變身鏡盒佢，果林打開個鏡盒就有個豬鼻痴住左佢個咀，點整都整唔甩…東仔就呃果林講出咒語： 愛心豬嘜變身～就可以整甩個豬鼻…但其實講完咒語就變身成為了新一任的超級英雄寶妮！
在美少女戰士的時代，女英雄都是美美的，穿短短的水手裝～而寶妮則是一隻粉紅色的會飛天的重磅到地球會下陷要立即做運動減輕體重才能在地球自如活動的肥豬！算是幾破格的存在～
當然一開始果林都係想成為美美服裝的女英雄，而寶妮只要像超人一樣，四圍飛去幫人的話就可以得到一顆珍珠！儲齊108粒珍珠的話就可以許一個願望～到時佢就可以變身成為任何佢鐘意的英雄造型啦！果林因為咁就好開心咁答應東仔做寶妮啦，仲非常盡力地幫人～
那個豬鼻要定時俾東仔差電先可以變到身，差電時個豬鼻轉下轉下勁搞笑
而果林暗戀的足球部隊長光一就好似好傾慕寶妮咁…是寶妮的頭號粉絲！
大結局的時候，地球俾惡靈入侵，所以果林和光一一班同學就周圍貼愛心封印，想阻止惡靈入侵！可惜這些愛心封印並不成功，果林和同學們被逼到入了有防護罩的體育館裡面（場面有d似佛地魔入侵霍格華茲或者是緋紅女巫在奇異博士2攻擊聖殿時那樣）。可惜防護罩似乎唔多頂到，但係如果在其他人面前變身的話，果林以後都不能變回人類…可是情況實在太危急，無可奈何之下果林選擇犧牲自己，在大家面前變身了！
在寶妮和眾同學的合力之下，惡靈還是被封印起來了，果林在此時儲夠108粒珍珠，可以許願望了； 東仔亦都坦白同果林講自己是時候要回布力哥星，所以果林不一定要繼續成為寶妮的。但果林認為地球需要守護者，如果自己變回普通人的話就無人守護了…在掙扎的時候，果林醒覺在封印的過程，就算無左寶妮，大家還是有能力去對抗惡靈的！所以最後就放心許願變回人類！亦同東仔道別～
以上就是我對飛天少女豬事丁的印象啦！
你又有什麼印象呢？請留言話我知～
如果想密切注意我們影片的話，請follow我們的IG ＠suckdouloan 和 subscribe我們塞豆窿youtube的頻道呀！去spotify聽我地的podcast呀！
喜歡的話請訂閱我們的電子報，每星期一早上七時搶先電郵給你！
請繼續支持我地！ 下個星期一見～
塞豆窿上
寫在趕住玩switch sports網球的星期日黃昏
Lolo Knows － by 撈奴
EP7 世界上的另一個我
細個嗰陣，其實都係講緊中學時代…..好鍾意睇麥嘜麥兜嘅故事。如果你哋都有睇過，應該會知道春田花花幼稚園入面有好多角色係動物。而其他人類嘅人物有趣之處，就係來來去去都係果2個人，例如人類男性角色就係校長，女性角色就係Miss Chan。最出名梗係常餐快餐午餐嗰個茶記侍應，仲有長洲滑浪風帆嘅黎根，內外全科既醫生……
記得有個訪問就問作者，點解來來去去都係校長做哂所有角色，作者就話發覺現實生活上都係咁，總會係遇到有啲人係覺好似另外一個人，可能係同學，同事，朋友，親戚咁，你第一眼見到佢，就會醒起：呀，佢有啲似阿邊個阿邊個！
自從聽完佢呢個概念之後，我都發覺真係有呢啲事發生！總之你見到嗰個人就覺得佢外型呀，講嘢嘅語氣啊，係同另一個人好似！
嗱嗱嗱，最近喺公司又見到一個！
有無人同我一樣有呢個經驗，有無有無？
下星期再見！
如果想聽番之前的LOLO KNOWS，可以睇番之前的blog架！
第三季塞豆窿進度報告 － by TAC 阿踢
今個星期都在打機～所以星期三就heahea的畫了其中一格的一少半鋼筆稿就算了～～～～
還是在前進的好不好？！
嘿～
進度：第一集的第3鏡頭的一少半鋼筆稿
Comments