五月頭的時候忽然覺得自己頹得太耐
所以想搵d挑戰做下！
就同公司同事試下一齊比賽個半月減體重體脂～
每人訂的目標都唔同，
我就定了減2kg～（心想是比較容易的）
有了目標就要諗作戰計劃！
一開始就是展開飲水計劃！
上星期的blog就分享了
我如何由一天只喝一杯水變成一天喝2000ml水
有這樣的想法是因為要有生活上的變化
才真的會有身體上的改變吧？
覺得自己最大問題是不喝水～
所以認為這樣是最簡單的去水腫！！
也確實是這樣發生～
然後開頭的一個月我都有跳繩
由開頭的撐住跳亦只能跳1分鐘多些（大約100下？）…
到後來可以跳200下再加開合跳30下再加跳繩100下…
到後後來的一次跳300下再加開合跳30下再加跳繩100下再下跨擊掌50！
不過這樣做也太悶，
所以就買了switch的sports！（笑）
之後係沉迷打sports～～～～～～
其實覺得排球的運動量較多，
但是網球要求的技巧高好多呢，
所以就一直打網球！！！！！！！
其實飲食也有改變的，為避太長就唔講咁多啦！
總知上星期一的時候我達標了～～～～～～～～
yeah！
你有無覺得日子太無聊？
如果有的話，
可以做一些挑戰呀～
簡簡單單的一星期挑戰也行！
哪怕是每天5點起身，
或是每天睡8小時挑戰～也可以呀！
這星期也一起努力過生活吧～
「活著就已經是貢獻」- BY 岸見一郎＠【變老的勇氣】一書
分享兒時看過的卡通片
某個Something Monday開始
我們會分一部份說說自己兒時看過的卡通片給大家
我們是成長在電視汁撈飯的時代
我們是那時候的卡通片及兒童節目養大的塞豆窿
製作動畫時 久不久也會想起 兒時看過的卡通點滴
大家好！我係阿TAC，今天想跟大家分享的是「行運超人」！
每隔一段時間日本就會有d超人片出現的，好似：咸蛋超人系列，超人迪加果d，一拳超人？這個行運超人有點不一樣，就是有點廢，但就因為有運氣，所以順利完成事情。後來查番個故事，似乎有d dark的，有少少話是想諷刺社會，不用努力做事的。
唔睇番都唔記得，行運超人其實本來只是一個日本超黑仔的中學生，原名：追手內洋一（追手內的讀音是日文俗語不幸的意思～），而香港直接幫佢改名：永丸一洋黑（一聽就知佢有幾黑），簡稱“黑仔“！
有一日黑仔一起身就0係屋企電親，然後又在露台中雀屎，仲由二樓跌了落地下…連屋企人都驚俾佢的晦運感染而要向佢灑鹽黎僻邪！之後番學，本來是想將情信送俾暗戀的天生美麗子向佢表白！但黑仔的佢不單將情信錯俾了豬木笨子（日文原名叫不細工です代，讀音等於“很醜“），仲同笨子不小心咀咀了…禍不單行是嘗識吧？這時候的黑仔遇到要入侵地球的外星人俾佢的飛碟壓到byebye咗…個外星人仲想食美麗子添…
就在此時，靈魂出竅的黑仔遇到第一代的行運超人，因為第一代行運超人要番去行運星做parttime…所以唔得閒救地球，於是俾左樽行運蕎頭佢，食一粒就可以變身做行運超人啦！原因是日文漬的蕎頭讀音跟lucky好似！
變身對白仲好正的：變身蕎頭，味道一流，變身！我雖然一無所長，毫無實力，而且一世符碌，但係我係全宇宙最夠運的正義英雄，行運超人，駕到，哈哈哈！
佢仲有句口頭蟬：Lucky! Cookie! 乜乜乜！ 果個乜乜乜就每次都唔同的，第一集佢就係刷牙～然後就因為刷牙要吐嗽口水而避開了外星人的多次攻擊！！！！
行運超人仲有好多招式的：茶柱伸縮刀﹑行運鐵拳和行運飛腿等等～全部都軟弱無力但就因為好運而誤打誤撞打贏出手！
咁以下就介紹一部份我有印象的超人啦～
第一個記得的係努力超人！佢經常都兩行淚流﹑又眼火爆！因為在英雄大賽俾自己的哥哥陷害而做唔成英雄，而且被判200年都唔能夠參加英雄大賽，兄弟反目成仇…之後努力超人就努力鍛練了200年才得到英雄的資格！
努力超人的變身方法是在紙上用毛筆寫上努力兩個字再貼在身上就可以～對白是： 努力加油﹑永不言敗。一要努力﹑二也是要努力﹑三四五都是努力！努力超人駕到！
變身後的努力超人腳上穿著由100萬塊豆腐壓縮而成的豆腐屐，兩隻共重60噸，令他腿力驚人！
由於佢睇唔過眼行運超人靠好彩獲勝，所以專登黎地球搵行運超人挑戰！（相信現實生活的人都有試過覺得明明自己好努力，但就欠缺一d運仔而錯過或失敗過…）空有實力的努力超人當然是輸左俾幸運的行運超人啦～點知努力超人誤會左行運超人是個偷偷努力的實力者…因此而拜了佢為師…（唔通作者想暗嘲努力的人都是蠢的？）
下一個要介紹的就係那個出賣努力超人的哥哥，叫勝利超人！佢地其實係三兄弟：勝利﹑友情﹑努力！（就係日本大部份漫畫劇情的3個重要原素～嘿嘿！諷刺的味道～）有個頒獎台在頭上的勝利超人，是宇宙中最討厭輸的人，所以佢從來都無輸過，亦經常為求勝利不擇手段，有佢在就一定打贏！
聽落好似奸奸地咁，咁到底點解當年勝利超人要陷害努力超人呢？原來是答應了臨死的媽媽，不要讓最細的細仔努力超人成為英雄，免得佢戰死！後來一次大戰，友情超人講左俾努力超人知道真正原因，讓勝利超人和努力超人和好！
最後一個想介紹的係穿魚網絲襪的天皇巨星超人，佢本來是全日本最作狀最愛出風頭的中學生～因為一次免費英雄改造而得到變身做天皇巨星超人的能力～
變身的方法是戴上扮野煲呔，眼睛會轉90度直立起來…超奇怪的…後來先知道原來因為日文“目立つ“是引人注意的意思…（依套卡通真係好多諧音梗～）
不過佢只有外表，變身之後與普通人無異…唔會飛又毫無戰鬥力…每次一出場就俾人打敗！連騎住的白色飛馬都是家中一隻普通的馬自行加上飛翼的裝飾而已…一次天皇巨星超人不斷俾人打…意外發現了他身體細胞復原能力超快，上一秒重傷下一秒就立刻復原，可以話係不死身～～～
以上就是我對行運超人的印象和搵到的資料啦！
你又有什麼印象呢？請留言話我知～
如果想密切注意我們影片的話，請follow我們的IG ＠suckdouloan 和 subscribe我們塞豆窿youtube的頻道呀！去spotify聽我地的podcast呀！
喜歡的話請訂閱我們的電子報，每星期一早上七時搶先電郵給你！
請繼續支持我地！ 下個星期一見～
塞豆窿上
寫在9heahea的星期日黃昏
Lolo Knows － by 撈奴
EP8 好熱哩~
最近俾呢個廣告洗左腦，又覺得廣告推出得好岩時候呀，落左2個星期雨之後，日日都陽光普照！真係好熱哩~
話説早幾日大西北咪大停電，勾起左好多年前暑假真係會停電嘅回憶呀，以前嘅夏天好似無而家咁熱，一知道停電，幾個小朋友就會大叫「無電呀」，然之後就拎果d 葵扇撥涼 (手動用葵樹樹葉造嘅扇，個型狀真係鋤Dee 葵扇煙咁♠️),蠟燭就長期放喺好開陽嘅位置隨時都攞到，仲有會開著一個燈制，到有電嗰陣就會即刻知💡
無電有咩做，好似都係聽下入電芯嘅收音機，傾下計咁，hea 住等有番電就可以睇電視📺打機🎮
今時今日真想像唔到冇電點樣捱，無wifi無電腦無蠟燭無冷氣，剩餘娛樂嘅時間就係電子產品淨返幾多電嘅時間😵💫
既然講番起呢d咁多年前既野，又茶飲品廣告，有個考古陳年廣告唔知大家有冇記憶呢
汽水又太甜，水又太淡，我飲xx茶～
（都唔知點解，永遠都係特別記得啲肉酸核突嘅廣告）
下星期再傾啦
如果想聽番之前的LOLO KNOWS，可以睇番之前的blog架！
第三季塞豆窿進度報告 － by TAC 阿踢
第3鏡頭開始想唔畫識郁的～hahahahaha
咁可以畫得快d嘛！
唔洗個個鏡頭都郁，咁我無咁大壓力又比教可以完成到！
一於係咁話～唔好全部都動畫～
一d郁一d唔郁！
進度：第一集第3鏡頭的鋼筆稿完成
Comentários