今日是7月2日星期六～本來今日要番工架！
一起身發現仲掛緊8號風球！！！
諗住都好啦食埋lunch先番工，所以就再瞓多陣～
點知竟然再起身的時候發現全日唔洗番工wor～～～～
開心到震～連假3天呢！
要做d開心野～所以即刻開始打點滴星期一！
雖然知道並不是所有人都希望打風的…尤其是打風依然要戶外工作的朋友…
你們要加油噢！
分享兒時看過的卡通片
某個Something Monday開始
我們會分一部份說說自己兒時看過的卡通片給大家
我們是成長在電視汁撈飯的時代
我們是那時候的卡通片及兒童節目養大的塞豆窿
製作動畫時 久不久也會想起 兒時看過的卡通點滴
大家好！我係阿TAC，今天想跟大家分享的是「為食龍少爺」！
對於為食龍少爺的印象有點模糊，五更是那條恐龍bb的名，他還有個細佬叫二更？初頭以為五更是下「午」個午，當知道原來是數字時就覺得他們叫二五仔咁奇怪～
初葉屋企是前舖後居的商店街，果時好羨慕她住這種屋，好似好方便咁！佢屋企是做寵物店的，有次初葉爸爸買了一隻好奇怪又大隻的蛋來人工代孕，點知竟然孵了隻恐龍bb出黎呀！依個bb就係五更～五更第一眼見到的係初葉，所以就當左初葉是媽媽！成日痴住初葉～
有一集五更撞親跌了隻牙wor！初葉唯有帶五更去見牙醫啦…（可能因為無獸醫？！）結果五更大鬧牙醫診所…牙醫就睇唔成啦，但第2日初葉發現五更生了新牙wor～
五更每日都橫行無忌又頑皮搗蛋，經常搞到商店街翻天覆地…好彩初葉每次都可以馴服五更，因為五更是草食性恐龍，尤其愛食梅子果醬 ，黑草梅果醬就成為初葉收服五更的絕招～
印象中有個科學家博士發明左部時光機？！誰知產生時空裂縫，搞到商店街幾間舖頭同埋初葉d朋友都一齊去左侏羅紀時代！一開頭勁黑，好彩五更有個鎚，黑夜之中會發光！大家靠看見這個鎚的光才可以聚番埋一齊～
去到侏羅紀時代遇見二更（就係果條再bb d的恐龍），仲有一隻胖胖地的女仔三角龍，有個好似伯伯咁的唔知咩龍，同佢老婆（？）長頸龍！
有一集果個胖胖地的女仔三角龍鐘意左初葉個同學仔wor，係咁佢同學仔擺尾同show佢的臀部～但係個同學仔就唔多鐘意佢啦…於是三角龍就去偷初葉d裙黎著，想話打扮下等同學仔注意佢…雖然d裙佢唔岩著又整到爛晒，最後商店街的幾個阿姨見佢咁想要條裙就幫佢度身車左條裙俾佢啦～
又有次博士堆起了一個時光塔想試下係咪可以番到原來的地方，結果引左架飛船黎…上面有個類似千年女王d人物的王子劍客，本來趕住去救公主…佢架飛船跌落黎的時候唔件左件零件所以走唔到！個劍客勁紳士會將自己件披肩除了放在水氹上面等d女仔行上去～後尾初葉個fd鐘意左依個劍客，就0係依個時候0係懸崖邊搵到果件唔見左的零件wor～佢有一刻諗住由佢唔執，咁個劍客就唔會走啦～不過最後都係執番俾個劍客啦！
以上是對為食龍少爺的謹有記憶！你又有什麼印象呢？請留言話我知～
如果想密切注意我們影片的話，請follow我們的IG ＠suckdouloan 和 subscribe我們塞豆窿youtube的頻道呀！去spotify聽我地的podcast呀！
喜歡的話請訂閱我們的電子報，每星期一早上七時搶先電郵給你！
請繼續支持我地！ 下個星期一見～
塞豆窿上
寫在難得8號風會掛到下午所以突然有3日連假的星期六下午
Lolo Knows － by 撈奴
EP9 自在人生
呢個星期聽左個 PODCAST訪問
係講一個農夫，喺元朗有自己農場種稻米
係呀，香港人種香港米
佢家族本身係務農的，爺爺爸爸都係耕田養雞為生，長輩們都叫佢一定要讀好啲書，千祈唔好做農夫
大學畢業後🎓佢就打緊一份一星期返五日
收入穩定放射師工作，但都有玩票性質種下野。
越種嘢就越發覺入面原來係有好多學問，而且未必努力左就有回報，仲要睇個天，好鐘意咁有挑戰性。
加上佢一路覺得一定要承傳番家族的米，就趁着一個集體耕種嘅活動，召集好多唔同嘅人一齊喺佢農場度種稻米，去到而家已經係一個好有規模有嘅農場。
主持人問佢，咁番5日工，星期六日放假就去耕田？唔攰咩
佢話做5日工係為左養妻活兒，同埋搵到收入嚟支持到佢做農夫呢個興趣！
有時工作都少不免會有壓力， 有食💩既時候，但係一番到農場個人就最relax 最開心，就係種植果份Passion令到佢咁有力量。
聽完呢個訪問覺得好得意，
番工個心態原來真係可以放到好輕好輕
覺得有 passion的人係好幸福
環境明明外在環境冇變，所有嘢都係睇你心態點樣睇。
初時我就諗，咁我放工後的興趣係咩? passion 係咩呢?我有冇一門手藝，好似有Passion嘅人係高級啲，特別叻咁嘅…..
出咗嚟工作咁多年，曾經有一段幾長嘅時間我係覺得星期一到五做到個人好攰，好辛苦，（LoLo個名嘅由來）星期六日放假我要咩都唔做休息下！
但係果時就算叫做休息左，個人都係唔開心嘅，生活嘅壓力都係未能夠抒緩得到，有時仲會責怪自己毫無生產力淨係攤係張床度乜都唔做。
不過諗吓諗吓就發覺，而家嘅我就唔同哂啦！工作時工作，都係全力以赴嘅，到星期六日就會按自己嘅心情，安排時間，去買下啲新鮮食材，整下野食。
如果果日好唔想出街，就會同自己講:唔出就唔出啦，喺屋企享受下一個人既peaceful mind 都okay既，訓下晏覺又okay 既，或者hea 下都無問題架, 自己開心就得架啦🫶🏻
好感恩可以進化左去另一個stage, 一個love myself既stage, embrace自己做自己，真正嘅開心同平安嘅自己。
祝大家早日heal yourself！
新興農場－牛潭尾信心米
如果想聽番之前的LOLO KNOWS，可以睇番之前的blog架！
第三季塞豆窿進度報告 － by TAC 阿踢
第3鏡頭咪本來想畫唔識郁的？
結果又係畫多幾格想佢有郁動～
依家就畫多左兩格咁啦！
進度：第一集第3鏡頭 3格完成
Comments