今天是六月十二日 你還好嘛？
經過幾年的沉澱 是有感受到一點點的成長
苦難是一定會經歷的事
不同的是每一個人每一次面對苦難的態度和心態！
第一次經歷未學懂 就會再次經歷同樣的問題
直至自己心境智慧成長 面對一樣的事就會有不同的處理
不止是真正處理事情的方法的不同
更重要的是 面對最真實的自己 好好跟自己相處
明白自己內心真正的想法
不要否定自己
希望在苦海掙扎緊的大家可以得到亂世中的平安。
直接去聽今個星期LOLO knowS請按：這裡
分享兒時看過的卡通片
某個Something Monday開始
我們會分一部份說說自己兒時看過的卡通片給大家
我們是成長在電視汁撈飯的時代
我們是那時候的卡通片及兒童節目養大的塞豆窿
製作動畫時 久不久也會想起 兒時看過的卡通點滴
或多或少是這個原故 才有現在製作卡通影片的衝動！
大家好！我係阿TAC，今天想跟大家分享的是「反斗小王子」！
反斗小王子根本是一套穿越劇吧～嘿
本身真的只有講得出部份角色名字，好似主角成日都八婆咁叫呵呵呵又鐘意食布甸的邪流丸王子，服侍邪留丸的電虫（放光虫），三隻小妖：黃助（用光仔代替了），青兵衛（藍色果隻），紅色的叫赤根（本來忘了名字，特意上網查的）；還有帶來貧窮和令人瞬間失去動力，更會令願望不能實現，人人都避之則吉的貧窮神！
本來邪流丸是出生於1000年前平安時代的貴族，性格比較幽哉遊哉～某日魔王屬下三隻小妖：黃助﹑青兵衛﹑赤根私自拎了魔王的令牌黎玩～點知俾邪流丸執左！然後唔小心連人帶牌仲有服侍佢的電虫一齊跌了入月之洞穴，穿越了黎到現代的月光町，認識了和真，仲住左0係佢屋企添！三隻小妖為了拎番塊魔王令，唯有硬住頭皮一齊穿越來現代搵邪流丸對決啦～
因為連故事是怎樣都忘記了，所以上youtube看了一下！搜尋到有一集講電虫有個青梅竹馬女仔朋友叫123，一開始八婆的邪流丸問電虫係咪好開心，似乎123係要黎跟他表白！電虫立即落閘，話自己由細睇到123大，仲有幫佢換過尿布又剩又剩，只係當123係妹妹咁話…點知123黎到就介紹俾大家知她結識了個男朋友叫166.5!感覺呢，有d似193三爺的！笑死我～
電虫面都燶晒話要考核1665係咪一個合格的男友！諸多刁難，但1665都能保持禮貌接受電虫的挑戰！一開始就問佢放d光黎睇下（話晒都係螢火虫），結果1665的屁屁露出相當刺眼亮麗的光～然後係挑戰模仿的技術（好奇怪的挑戰…據講模仿係所有電虫類都要有的基本技術黎），1665扮番電虫同邪流丸，當然又完美過關啦～最後一項就係造出完美的飯糰，電虫話123最鐘意就係食飯糰咁話！結果電虫整出兩個完美的飯糰時，1665已經用佢三對手，3個3個咁整左一堆出黎～電虫仲食左一啖大讚味道完美！終於認輸，認為1665係完美情人～不過123將所有野都看在眼裡，仲同邪留丸講雖然1665係完美情人，但自己比較喜歡電虫哥哥…（綠茶婊？）
搵資料的時候，發現2016年推出新的動畫，邪流丸由5歲長大變成17歲的少年，連三隻小妖都一齊長大了！
以上就是我對反斗小王子的印象和搵到資料啦！
你又有什麼印象呢？請留言話我知～
如果想密切注意我們影片的話，請follow我們的IG ＠suckdouloan 和 subscribe我們塞豆窿youtube的頻道呀！去spotify聽我地的podcast呀！
喜歡的話請訂閱我們的電子報，每星期一早上七時搶先電郵給你！
請繼續支持我地！
塞豆窿上
寫在沉迷玩switch sports網球的星期日下午
Lolo Knows － by 撈奴
EP6 時區
尋日見到朋友ig story, post 左電話入便world clock顯示唔同時區嘅畫面
以前用得著呢個功能
可能係世界杯要留意場波幾點開波，
或者工作關係出差，睇時間同屋企人聯絡
而家呢，用黎約zoom 飯聚，又或者check下點解個fd 咁早起身覆msg (或者咁夜唔瞓)
以前學下點喺外國網購d野番香港平啲，而家鑽研寄包裹去外地，用咩box size packing 最fit 運費少d ，學埋報關print label
以前用weather app 係睇定去旅行果幾日帶咩衫有無落雨，而家睇下香港連落一星期雨，佢地天氣點
唔知你電話入便個world clock又有咩時區，
又有幾多個你記掛嘅佢地呢？
介紹大家聽呢一首歌，最鐘意歌詞入便講「你記得記安好，像我都很好」
下星期再見！
如果想聽番之前的LOLO KNOWS，可以睇番之前的blog架！
第三季塞豆窿進度報告 － by TAC 阿踢
因為上上個星期三一口氣完成了第2鏡的十格動畫
所以今個星期三又開始hea～嘿
只畫了第三鏡的草稿！
暫時都是這樣heahea的～
還是有一點點的前進！
進度：第一集的第3鏡頭的草稿
Comments