小學時的我每日的目標
就係16：30前做晒d功課。
然後可以打開電視睇閃電傳真機～
小五已經決定要有自己的地方
要買樓自己搬出去住！
因為要一個安全的地方，
亦不習慣同人打交道…
所以完住無諗過要租個地方
依種對我來說太麻煩太繁複同不斷要同人交涉的方法。
好記得這想法是從小五開始！
大家有小時候定立過一d目標嗎？最後實現到嗎？
如未實現，請相信那只是時間未到～
也請記得檢視一下自己是在往目標進發中嗎？？
拐多路也不怕，但要記得是為目標才會拐這些路。
依個星期也請多多加油 向目標進發噢！
直接聽LOLO KNOWS 第三集請按：EP4 真的很興奮
分享兒時看過的卡通片
某個Something Monday開始
我們會分一部份說說自己兒時看過的卡通片給大家
我們是成長在電視汁撈飯的時代
我們是那時候的卡通片及兒童節目養大的塞豆窿
製作動畫時 久不久也會想起 兒時看過的卡通點滴
或多或少是這個原故 才有現在製作卡通影片的衝動！
大家好！我係阿TAC，今天想跟大家分享的是「伙頭仔昆布」！
第一樣最最記得的是超洗腦的主題曲呢！「嘩～伙頭仔昆布佢廚藝頂呱呱～」
那個大叫好好味呀，然後谷起面珠仲有心心的O咀，一字馬式跳起的姿勢～
其實再早期少少仲有套有關煮野食的叫伙頭智多星，主角叫味吉洋一，有機會的話遲下再做一集介紹
伙頭仔昆布每集都大致上是用不同的日本零食（pocky﹑爆炸糖﹑卡路﹑啄木鳥朱古力豆等）﹑水果﹑牛奶﹑汽水等等一些小朋友容易在家找到的食材重新組合新的“菜式“！例如：啄木鳥朱古力豆牛奶，明太子美乃滋魚仔餅飯，卡路爆炸糖，朱古力醬飯糰等！網上就有個日本人跟住漫畫整了，有興趣可以按這裡去看看； 還有香港的馬田都有跟佢整過。可能明將壽司師傅都係小時候看了這齣卡通受到啟發～？
依家睇番好似好伏咁～不過細個睇的時候真係好想跟住黎做架！昆布有時都會用下微波爐同焗爐，焗爐是豬仔造型的，焗緊的時候條尾會轉～個微波爐係原始人造型的～兩隻眼睛轉一圈然後隻手會用個鎚鏗個頭上面舊鐵就會叮一聲表示叮完！仲有隻幽靈雪櫃負責遞下牛奶俾佢地咁～
人物方面除了有昆布，仲有個菠蘿咁的樣，塊面三尖八角唔知想點的人！佢戴住太陽眼鏡著夏威夷恤衫踩滑板，個口永遠咬住枝飲管的！
昆布的女朋友係中國風的春麗造型的女仔，鐘意用朱古力豆占卜，屋企是經營拉麵店的～
學校的校長是薯仔造型，佢好鐘意食零食，時常會拎住個手抽袋裡面就有好幾包零食！而班主任老師是類似iq博士的山吹老師咁樣，不過係超sexy地存在…時常會請學生食波餅…第一集就已經出現咁的場面…而昆布老豆更係典型咸濕佬，原來90年代的卡通片尺度真係好闊！！
舊年年頭原來作者秋田康出了大個後的昆布漫畫，有興趣可以按這裡看看，第一話是免費的！長大了的昆布跟女朋友結了婚生了個仔，封面仲拎住細個小食部成日賣，依家donki可以大包大包買番去的“美味棒“零食呢！最後撞番菠蘿面一齊飲啤酒，然後昆布照舊好似小時候咁，用d零食整左份食物俾菠蘿面食，令疲倦的菠蘿面滿血復活！
以上就是我對伙頭仔昆布的印象啦！
你又有什麼印象呢？請留言話我知～
如果想密切注意我們影片的話，請follow我們的IG ＠suckdouloan 和 subscribe我們塞豆窿youtube的頻道呀！去spotify聽我地的podcast呀！
喜歡的話請訂閱我們的電子報，每星期一早上七時搶先電郵給你！
請繼續支持我地！
塞豆窿上
寫在天氣好好的的星期日下午
Lolo Knows － by 撈奴
EP4 真的很興奮
咦，仲講條新路線？過哂氣啦喎……er….唔係講條鐵啊，係想講xx迷，即係狂熱份子。
兩星期前嗰張鐵路迷相，喺社交媒體嗰度洗晒版啦，相信大家都有睇過。通常伴隨住呢張相嘅captions係:「好癲呀成班鐵膠//宅男呀//毒L //日日都有得搭㗎啦點解要晨早去排隊」
其實無論鍾情嘅對象係鐵路呀巴士呀，又或者係歌星影星球星偶像，其實嗰份Passion都好類似啊。都不外乎係好留意關於佢一切，盡量參與喺其中，對住其他人毫不遮掩自己對偶像嘅喜愛，甚至係出錢出力，去將佢帶比更多人認識，咁睇落去都係同一份熱情姐。
或者每一個人都有狂迷嘅一面，有人係工作狂，有人好鍾意賺錢，有人鍾意造手作，有人鍾意賽馬賭博，有啲人沉迷養育自己仔女，有人鍾意睇波，有人鍾意做運動，有人鍾意食勻全香港嘅米線…
咁嗰啲為咗別人嘅行為，加好多標籤嘅人，其實係咪個人太冷漠，唔能夠理解他人嘅情緒感受呢？之前睇過一篇文章話，人類嘅科技發展一日千里，好多硬件上嘅嘢，幾何級數咁樣進步提升，可惜人類嘅software上面就幾十萬年如一日。即係嗰啲自大，自我，妒忌，貪婪，無論點搞都冇upgrade過，正正係咁世界都仍然係日日打緊仗，有權有勢嘅人賺盡貧苦大眾，多人覺得啱嘅就一定係事實…..
成日都提自己表達意見之前，真係要諗一諗。你覺得嗰樣嘢睇唔順眼，會唔會只係因為你學識唔夠，唔認識入面嘅底蘊？你覺得自己嘅睇法比別人有智慧，其他人都係懵懵豬？
所以話人生嘅旅程都係不斷嘅學習，可以試吓聽多啲，而唔係不停咁自己講嘢發表。
哎呀，我都講得太多啦，再講就會變咗我口中嗰啲bi-li-bla-la嘅人🤣
下星期再見👋🏻
第三季塞豆窿進度報告 － by TAC 阿踢
今個星期三沒有畫畫呀！
因為以為要約星期日
所以將時間都用左黎準備本來星期日要畫的點滴星期一～
點知最後約唔成…
就直接放左自己假，嘿嘿！
又感覺懶惰所以星期4的早上早起畫了幅圖～～～～
然後記起自己小時候畫過的一頁漫畫想將佢變成動畫…
好分心 嘿嘿
進度：停留在第一集的第二鏡頭的第二格
Comments