EP21 旅行
今日想同大家講嘅係旅行。
喂，好耐無見啦喎！係呀，旅行吖，耐到都唔記得左咩叫旅行。
對於住喺呢個城市嘅人終於好似可以流動番，似乎大家都有唔同觀點，有人話果啲旅遊區未復甦啊，配套設施未回復，去到都係無得玩無得食，又有人話去到人地個國家咪好似當地人咁過生活，唔洗做埋果啲遊客野啦，所以無影響。
照咁睇就係兩個派別，一種係去玩去睇去買，另一種係行開下散下心，又或撈埋一齊又得。
以前去旅行係工作嘅其中一個目標，做嘢辛苦唔緊要，儲夠錢儲夠假期就瘋狂去玩，返到嚟又繼續工作繼續儲錢。我唸大家對旅行呢件事都有唔同感受，又或者咁講，無論以前旅行係一件點樣嘅事，黎緊大家去番旅行，應該有好多野都唔同哂。
呢幾年時間好似停止左咁，到個鐘一行返，原來所有嘢都唔同晒。
話說上個月都開始計劃下個trip，真係有啲無從入手。。。應該要買左機票先啦，但買之前其實要知總共去幾多日，中間幾時要轉城市買埋內陸機。度度下覺得咁耐無飛過，不如去多啲地方，係咁pack啲行程入去，之後又發覺而家個人慢活左好多，慣左一日只做一件事，到時咁忙搞唔掂喎，腦筋用盡買左機票，之後what’s next ? Local tour ,景點入場券, book 車,國際車牌,訂酒店,搵餐廳,漫遊plan,每日行程詳細Breakdown，都未講，到時睇天氣準備執行李果啲，喂，乜原來旅行仲多嘢搞過公司做開果啲project🫣
明明呢啲野以前飛之前早五個月已經搞掂晒，而家講緊剩返一個月，都未book哂
點解好似冇咗以前去旅行嗰啲期待又興奮嘅心情
定係旅行對自己嚟講真係太遙遠，太過唔真實，好似發緊夢咁。麻煩搵人拉返我落地下，係真㗎啦！卡數都找埋啦，今個星期好醒醒定定訂晒啲嘢。
對於嗰啲去咗外國玩一段好長時間嘅朋友，睇嚟輪到你哋take個break ，番黎見吓人，食吓嘢啦
第三季塞豆窿進度報告 － by TAC 阿踢
今日不用準備卡通片呢～所以逼自己拎好早前LOLO編了的塞豆窿第3季劇本出黎～
然後跟之前幾次一樣 不斷有種不知怎麼開始的感覺
上幾次我就將想到的都畫下 然後中間有太多的發想 但會跟故事發展的後期不太能接得上
所以前幾次畫畫下就放低了
早幾日看了個漫畫家的youtube教學說畫漫畫之前，其實要先規劃好要畫的長度～然後要決定用幾多格完一集！所以剛剛畫不出來的時候就嘗試了！好像有點湊效～就是上面這個圖！嘿嘿
Comments