今個星期開了一本書來看 是關於寫故事的
然後終於都了解為什麼我對第3季的故事有點為難的感覺
沒有一股衝勁去畫！
那個故事本來
一開始在度故事時跟bro一起發想～
我想讓光仔成為主角…故事有意義…
他想故事是搞笑底死，加入了很多支線
沒有誰才是對，
只是後來就將兩個concept一起放入故事裡面就變得很模稜兩可，三不像…
而且故事出來支線反更似主線…光仔那段故事反變成格硬加插的感覺…
在用那本書第一篇學到的，寫一句tagline來描述自己故事時就好明顯了…
會寫到兩個獨立故事出來…
但因為編劇A lolo編的故事內容很好～好好笑～
所以大膽決定將光仔那段抽番出黎…做番配角！讓兔老師再一次做主角～
遲些才畫一個光仔的獨立故事比較好～
分享兒時看過的卡通片
某個Something Monday開始
我們會分一部份說說自己兒時看過的卡通片給大家
我們是成長在電視汁撈飯的時代
我們是那時候的卡通片及兒童節目養大的塞豆窿
製作動畫時 久不久也會想起 兒時看過的卡通點滴
大家好！我係阿TAC，今天想跟大家分享的是「娛樂金魚眼」！
又係另一套一面畫少女漫畫風的型男美女，轉頭又會有勁cute勁搞笑的畫風集於一身的卡通片！細細個睇的時候覺得好震撼，好搞笑～
故事講本來是有錢女的千歲因為爸爸突然離世而被迫離開原來就讀的名校都會學園，她帶著會飛會講人話的寵物：粉紅色金魚金比，入讀一間因為經營不善而就黎要殺校，連雞和牛都收為學生的田舍中學，認識了華美子，葵彥和秀一等人！
千歲轉校當天，發現家族律師田中山原來試圖捕捉金比，並盜取千歲爸爸留俾千歲的遺產喎！奪回遺產的千歲建立新的田舍中學，並兼任學校的理事長和學生會會長～
講起千歲就會諗起佢的八婆笑聲hohoho，同埋佢會一秒由故作優雅的淑女造型突變成低能八婆樣！好癲～
我本來以為華美子才是金比的主人，原來只係佢同金比比較合得來～華美子很喜歡吹喇叭！果首歌我依家都會記得～好有打起精神的感覺！打打da打打 打doo do do do da da da doo doo dum dum dum dum dum dum don don don don dun dun dun dumdum（類似係咁啦～）
仲有華美子跟不良牛都喜歡吃的炒麵三文治包！我自己對這食物很嚮往～所以大個左有自己整黎食呢～不良牛都是其中一個好有印象的角色，好似係會不良不良咁叫的？但劇情上除了爭住去小食部買炒麵三文治包之外就無記憶了～仲有其他牛的，但名都講唔出了～
其他有印象的角色有葵彥和秀一！葵彥是個經常戴太陽眼鏡的不良少年，聽講佢成日戴住太陽眼鏡是因為眼睛長得比較少女風閃鈴鈴～所以想搵太陽眼鏡遮住！？（唔知係唔係～嘿）但當佢露出眼睛時通常都係玩千歲，然後就變番q版的樣…佢經常同千歲鬥咀，但亦有試過同千歲扮成情侶，不過關於感情的事記憶中係無乜深刻描寫的～好似都只係保持朋友關係。
至於秀一係正經又頭腦聰明好成績和善有禮貌果d典型乖乖仔！佢係新田舍中學的副學生會長，經常為學生會的赤字煩惱，亦對千歲經常擅自挪用學生會費來買自己私人物品大感不滿…正常係咪拉得呢？同虧空公款無分別？！
仲有好得意的校長，細細粒肥肥矮矮頭上有天線～佢最鐘意將自己手臂夾埋show俾人睇話似patpat！
細個打機，超任有隻game，係0係沙灘等潮退執貝殼～走唔切就會俾浪沖走！你有無玩過？
以上就是我對娛樂金魚眼的印象啦！
唔知你對娛樂金魚眼的印象又是如何？可以留言話我知～
如果想密切注意我們影片的話，請follow我們的IG ＠suckdouloan 和 subscribe我們塞豆窿youtube的頻道呀！去spotify聽我地的podcast呀！
喜歡的話請訂閱我們的電子報，每星期一早上七時搶先電郵給你！
請繼續支持我地！ 下個星期一見～
塞豆窿上
寫在嘆住冷氣望出窗外的星期日下午
Lolo Knows － by 撈奴
EP12 整你個制
話説早幾日放工番屋企，去去吓廁所，身後出現左d好奇怪嘅聲，vvvvvv 超高音又響亮
初時以為隔離屋鑽牆，
點知臨瞓嗰陣又vvvv過！深夜vv叫，都咪話唔驚
最後發覺原來係廁所水箱個人入水位壞左。
正所謂無咩係上網搵唔到嘅,，睇完一系列嘅維修教學之後，決定自己買個零件更換，最後？當然係成功解決啦（係咯，唔成功應該就唔會寫呢單野出黎。。。）又一技能解鎖🔓
令我唸番起細個，成日會比一種陰影困擾，就係整壞電器魔手。啲人成日都話以前出嘅電器係襟用啲無咁易壞，似乎同我嘅經驗唔係好吻合。
記得果陣小學，我同家姐以學英文查字典之名，要媽咪買部真人發聲嘅”好易通”電子辭典，除左真係做功課之外，梗係拎呢部咁初代嘅微型電腦打機玩遊戲，係呀，畫面黑白架咋都玩成日。
不過唔知點解呢，呢啲細細部嘅入電嘅，成日都係咁岩喺我用完之後就壞咗！我記得買過兩部都係我整壞！
由發現壞咗果一刻，一路諗點樣同媽咪講，直到話俾佢知要拎去整或者買過一部，到真係有一部新嘅拎係手，嗰段時間真係非常煎熬！
細個覺得整壞電器真係世界末日，仲好天真咁樣幻想，可唔可以undo 呢一個畫面，可唔可以唔好壞，直頭有個種仰天長嘯嘅悲哀。
而家諗返嗰陣其實冇人會怪責我個喎，帶頭責怪我嘅係自己，呢個真係性格缺陷。明明正常使用係唔會令到部機壞，部機壞嘅原因應該係因為佢真係係時候壞，如果我嗰陣有呢個概念應該會過得輕鬆啲。
之後到出嚟做嘢，有一日有個客拎返一個新買嘅產品返嚟話有問題用唔到，我就好不安啦，覺得應該要準備俾人鏟啦，點知嗰位優雅嘅女士就話就話：「吖，唔緊要嘅，你地拎返去整啦，買四部冷氣都有一部壞啦，我明㗎喎」
跟住我就發覺，原來心態決定一切，對一啲預期之外嘅狀況寬容啲，日子都易過一啲。
祝大家對自己控制唔到嘅嘢唔好捉得咁緊啦，放過自己啦～
如果想聽番之前的LOLO KNOWS，可以睇番之前的blog架！
第三季塞豆窿進度報告 － by TAC 阿踢
著手改動故事中！
進度：算不算回歸到零呢？
Comments