今日已經是在倒數分享懷舊卡通的十集了
不經不覺進行了一年呢！52集！
補回之前未有影片的卡通之後，
在想要不要繼續～
如果要數的話都還有12－15套卡通可以介紹一下。
但做同一件事做了一年之後好似有d悶～
打緊依個電子報的依一刻 塞豆窿youtube頻道有267個十龜爸，
要同人比的話當然好少～但就是一年以來賺到的267個欣賞我們的人！
很感謝每一個不吝嗇的大家！
最估唔到的係有兩條影片破了2000個view！
始終我講的都比較偏門～而且內容和資料搜集都沒有好嚴謹（其實係好隨便）～～
所以經常錯漏八出！
然而，在回顧卡通內容的時候其實又帶俾我好多快樂～
嗯，讓我再想想！可能可以休息一下再繼續！
分享兒時看過的卡通片
某個Something Monday開始
我們會分一部份說說自己兒時看過的卡通片給大家
我們是成長在電視汁撈飯的時代
我們是那時候的卡通片及兒童節目養大的塞豆窿
製作動畫時 久不久也會想起 兒時看過的卡通點滴
大家好！我係阿TAC，今天想跟大家分享的是「功夫貓黨」！
應該無記錯這個機械貓主角叫太郎吧？口頭蟬：可怒也（音：call lau yeah）瘋魔當時所有小學生！有兩把忍者刀作為武器，是個二刀流～而且有強勁聽覺，可以輕易聽到情報！
另外有隻藍色的叫十郎（是比較血氣方剛…咸濕少少的角色），用把油紙遮做武器，那裡藏有會旋轉的金屬遮？！還有一隻紅色的女仔機械貓，唔記得左佢個名，上網搵叫寶寶（都係無咩印象～～）好似係識吹笛的； 武器是手裡刀！發嬲的時候會用雙爪抓傷對方！經常給抓傷的反而是十郎同太郎！
三個人組成忍者貓隊，平時一起在PIZZA CAT薄餅店打工，極速送餐及送外賣！應該是用大阪幕府做背景？有隊烏鴉一族壞人和想造反的權臣將軍假狐利用各樣機械人四處破壞時，忍者貓隊就會出動！三個人會立即跳入洗衣機式的通道，然後pizza店上有個巨大手鎗，薄餅店的店長咪咪會射佢地去戰鬥！
薄餅店的店長咪咪，是忍者貓隊幕後支援的成員！負責操控pizza店上的巨大手鎗，但亦有因為瞄準目的地失誤而令太郎佢地受重傷…
有部大機械人的（叫機械貓神！？類似獅身人面像的戰艦可以變成人型機械人）～但係太郎經常受到種種阻撓而上唔到去～直至結局果集才上到去！
仲有一個太郎喜歡的女仔，好似係叫美芝！眼睛水汪汪的！當她情緒一激動要流眼淚時，頭頂就會自動發出一堆飛彈攻擊！有次是喜極而泣，炸到太郎同十郎死咁滯～嘿
反派有想造反的假狐，設定為鐘意著女裝的蠢角色，經常騷擾自己的男下屬…又是上個世紀政治不正確的角色設定…還有烏鴉一族首領幻成空，擁有機械忍法秘傳帳可以制作各種機械人…而反派的戰鬥和指揮行動實際上是落在烏鴉忍者格格拉身上！格格拉亦令太郎吃了不少苦頭！
另外記得有四個薄餅店分店的店長，實際上是支援忍者貓隊的各地成員！第一個叫哥頓，擅長用電鑽在地底自由活動，算是支援隊的首領。第二個叫鷹之介，好大隻，作戰時背著一對大炮0係膊頭！第三個是有機械翼的安德魯，本來是唯一可以飛行的人物，但隨住劇情發展，太郎佢地得到大鳥君的合體可以自行飛之後，佢就變得無乜作用。最後一個叫力奇，是在水底也能跑的支援成員。
那個江戶時期的大阪幕府，有個湖砂公主，口頭蟬係將佢流放去荒島！和她的爸爸：大將軍。幕府的屋有條金鯉魚在上面，我到名古屋旅行時見到那個名古屋城上面的鯉魚就即刻想起這卡通片！
真的是年代很久遠的一套卡通呢～聽講最近又有復刻版！有興趣可以去youtube search黎睇！不過係英文的～
以上就是我對功夫貓黨的印象和搵到的資料啦！
嘿，你對功夫貓黨的印象又是如何？還是，只知道功夫熊貓？？
如果想密切注意我們影片的話，請follow我們的IG ＠suckdouloan 和 subscribe我們塞豆窿youtube的頻道呀！去spotify聽我地的podcast呀！
喜歡的話請訂閱我們的電子報，每星期一早上七時搶先電郵給你！
請繼續支持我地！ 下個星期一見～
塞豆窿上
寫在習慣了33度已經係夏天基本配置的星期日下午
Lolo Knows － by 撈奴
EP11 網民話
呢個世界有一種人叫做網民，
無色無味無影無路捉，但又無處不在。
網民唔係一個人真嘅人，但又可以係是但一個人。
D野明明唔關佢事，但係當網民發表偉倫評論人哋嘅時候就樣樣都關佢事。
網絡發展可以話係一日千里，又可以話係十年如一日。
一日千里就係啲硬件啦，基本上帶住隻錶而家都可以上到網睇到好多嘢;仲有網絡覆蓋同速度，啲片要幾清有幾清，啲直播要幾順暢有幾順暢。
十年如一日咪就係由隔籬屋呀陳師奶話/樓下街市菜檔清姐話/茶餐廳啲茶客話/
變咗做今時今日嘅討論區爆紅話題/我個family group有人share/面書瘋傳/IG STORY 洗版
講咗咁耐想講，一個社區就係會有一啲人八八卦卦，將人哋嘅生活變成自己茶餘飯後討論話題，而經營媒體嘅，都心知juicy野係最多人睇最多人留言演算法又會推到最遠，所以都樂此不疲咁樣用呢啲方式去吸引眼球。
其實都唔使舉啲咩例子嘞，老老實實，大家問吓自己，有冇試過參與討論呢啲網絡影片或者新聞，再大大力分享出去
完全冇批評呢啲行為嘅意圖㗎，只係想得閒反思一下，睇到呢啲資訊嘅時候係咪都會認真諗吓內容真定假啦，又有冇嘴賤賤咁樣落井下石取笑人，係咪寫文嘅人用咩角度就信晒佢？使唔使自己諗吓件事邊個先係受害人呢？
係，咁每個人都有表達自己意見嘅自由嘅，最怕就係見到太多匿名網民，喺呢個保護罩底下肆無忌憚人身攻擊，有時Haters用力批評嘅程度真係令人覺得佢係咪身受其害，其實單野就完全唔關佢事。
正所謂，一沉百踩好容易，雪中送炭真係最難。
啊，唔知喺邊個國家讀書，係會教網絡禮儀架呢。
祝大家多多思考，唔識可以Google下
唔好人哋講咩就信咩
如果想聽番之前的LOLO KNOWS，可以睇番之前的blog架！
第三季塞豆窿進度報告 － by TAC 阿踢
停了一個星期 因為搞了接龍故事
所以星期三用來畫宣傳片！
下星期4到我出故事，
所以都係會再停一星期～hahaha
看看平日夜晚都畫少少吧～
不然懶惰太久也是不好的！
進度：繼續再三停在第一集第3鏡頭
Comments