這兩星期都想耍廢 懶懶閒的過～
很久沒有出街食飯飲酒糜爛過
上星期三就襯放假book了好味的餐廳
盡興了一下！
有時讓自己休息一下停下來也很重要！
重點是有意識地選擇休息 或 堅持！！！
新的座佑銘：有意識地做選擇 做決定
祝你這個星期都有意識地生活～
分享兒時看過的卡通片
某個Something Monday開始
我們會分一部份說說自己兒時看過的卡通片給大家
我們是成長在電視汁撈飯的時代
我們是那時候的卡通片及兒童節目養大的塞豆窿
製作動畫時 久不久也會想起 兒時看過的卡通點滴
大家好！我係阿TAC，今天想跟大家分享的是「IQ博士」！
對這卡通的最深印象是其中有個情節，講小雲番到學校，栗頭老師點名，問學生：邊個無番學的舉手！然後第二天我真的開學，班主任問我地邊個無番學的舉手！！（她說她昨天看了IQ博士）這件事一直記到依家呢～腦袋不知裝什麼～
仲有主題曲呢～原來當年梅艷芳麻麻地想唱iq博士主題曲的…所以就專登卡通聲咁唱，諗住一定會唔錄用啦…點知～不單止被採用，仲變左街知巷聞添！真係陰差陽錯～
故事係講天神村有個自稱係天才的科學家則卷千平博士想製造一個真人機械人，意外製造了小雲！一直都以為小雲係小學生，但原來是中學生！雖然只有幼稚園的心靈年齡，但力大無窮，有破壞無建設…曾經一拳將地球打裂分成兩半！
我以為小吉係博士製造的！但原來係一個貌似龍珠裡面的龜仙人咁樣的天神 派去地球監察史前人類的天使，但後來小吉忘了自己的任務，咁啱博士和小雲搭時光機番到遠古時代就將小吉帶左番天神村…天神都放棄而離開了地球！好兒戲的劇情，嘿！
山吹綠子本來是小雲的班主任，作為老師佢有好多教科書的題目自己都唔識…佢同博士有約會過幾次的好似，最後去洗手間時聽到門外的博士0係到練習求婚的內容而直接答應和博士結婚！仲生左個bb叫則卷太平，太平因為一次意外死去但俾外星人救番而獲得超能力兼係一個科學奇才～
仲有個戴太陽眼鏡的男仔，睇起黎似不良少年，叫空豆太郎！佢見識到小雲的破壞力之後就決定同小雲做朋友～其實太郎一早就過了畢業的年齡，但係就讀左好多年書先畢到業…到後來終於畢到業就做了天神村的警察之一，仲同黎自中國的摘鶴燐結婚添。
摘鶴燐一家四口黎自中國，因為飛船有故障被迫降落天神村！摘鶴燐的細佬叫摘突詰係一個武術高手但一掂到女仔就會變老虎！中間有段劇情係講佢唔知因咩事爆seed暴走，感覺好似龍珠初時的悟空咁！
講開龍珠，有一集悟空因為俾人追殺令龍珠探測器失靈而迷路去左天神村遇到小雲！後來則卷太平幫悟空整番好探測器！而追殺悟空的壞人來到脅持小雲想逼千平交出悟空…而千平就勸壞人放開小雲，因為脅持小雲佢會好危險～嘿嘿嘿
原來後來到了龍珠超，小雲佢地又有客串出現！小雲仲將比達打到飛起～比達仲話以後都唔會同搞笑卡通人物比試～
搵資料就發現鳥山明本來唔喜歡畫女仔？在創作IQ博士時，鳥山明原先設定第一主角是則卷千平；但因為當時JUMP雜誌社係用殘酷的淘汰制度，如果反應唔好的漫畫就無得繼續連載…而鳥山明前兩部出道的作品都反應平平，再咁落去似乎鳥山明的漫畫家生涯要失敗了！這時編輯鳥嶋和彥建議將千平創造的女仔作為主角！就係小雲啦！
鳥山明最後接受建議，將穿著工人褲時常笑得燦爛的小雲變成主角！仲因為想令佢容易俾人認得，就為小雲戴了一副千度近視的眼鏡～
事實證明了鳥嶋和彥的建議相當正確，令鳥山明在1980年的少年jump一炮而紅！原先鳥山明只預備畫個中篇，無諗到咁受大家歡迎而變成了長達4﹑5年的連載！
講起鳥嶋和彥就要講下千平的宿敵馬西里特博士！佢係一個要征服全地球的瘋狂博士！因為要贏千平而製造不同的機械人跟千平對決！全部機械人都用牛奶糖幾多號黎命名～其中牛奶糖4號係馬西里特博士偷了小雲設計圖黎製作的，係佢最成功的一個機械人！本來馬西里特博士是要牛奶糖4號對付「壞人」小雲，但由於有正常人的心智，所以好快就知道馬西里特博士先係壞人， 最後仲成為了小雲的男朋友。
點解講鳥嶋和彥就要講馬西里特博士呢？因為據講馬西里特博士的髮型湊巧和鳥嶋一樣，而馬西里特的名係鳥嶋日文平假名發音掉轉讀就係！雖然鳥山明有0係漫畫中提到本故事和真實人物完全無關，尤其是馬西里特博士，跟編輯鳥嶋先生一點關係都無～
以上就是我對IQ博士的印象啦！
你對IQ博士的印象又是如何？可以留言告訴我！
今集有d長，多謝你聽到依度睇到依度～
請繼續支持我地呀！ 下個星期一見～
塞豆窿上
寫在懶懶閒的星期日下午
Lolo Knows － by 撈奴
EP15 G Ng Gchi
唔知大家有訂閱開d 咩youtube channel, like開咩page, follow 開咩IG account或者買開咩期刊？
以前聽歌就要睇大台，明星都係由佢地打做，
一個唔鐘意就掉你入雪櫃，零曝光=零收入
當然互聯網普及之後(嘩，好老土)，有各式各樣嘅Blog網，Content Creator多咗平台可以集合自己嘅創作，唔同類型嘅內容都有
之後隨住facebook掘起，出現咗勁多嗰啲唔同職業揭秘/育兒/寫作page，好多仲將文章結集成書添！
IG出現就相片行先，有無限咁多KOL，未必有opinion又未必係leader, 但就有好多推介產品🌚
YouTube就再多樣化啲，獨立音樂人啦，科技介紹，教煮嘢食，餐廳食評，拍旅遊節目、戲劇綜藝都有！
為咗配合邪惡嘅演算法，所有作者好多時叫人like， comment，share，等自己嘅創作可以容易啲俾人search到，正所謂認同請分享呀麻。
講咗咁耐我想講嘅係，近年仲流行左Patreon! 就係要喺朱生同google 嘅落廣告無運行呢個法則狹縫入邊生存。
創作一首歌放上串流平台，播足一百次收入有HKD$8，
拍條片拍捉一日再剪兩日擺上YouTube，1000個views可能只係得HKD$8收入
所以而家如果發覺岩睇嘅channel，值得支持嘅歌手，page一律直接貨金！
之前睇過套紀錄片講社交媒體，點樣操縱網絡使用者嘅生活。所以作為一個手機重度使用者，成日提自己要智慧地用，揀下啲嘢嚟睇。要俾多啲條件作者去寫嘢，就要俾啲資源佢哋，咁當然一個人每個月比幾十蚊就梗係養唔起佢哋啦，所以我都想鼓勵大家愛就要出聲啊/出錢啦！當然有錢出錢啦，冇咁方便咪睇多幾個廣告， share多幾次囉，或者搶朋友個電話你直接幫佢subscribe。
祝大家都做到真正嘅「身體很誠實」
如果想聽番之前的LOLO KNOWS，可以睇番之前的blog架！
第三季塞豆窿進度報告 － by TAC 阿踢
分鏡畫唔出來…！
進度：努力中
Kommentare