直接報告一下塞豆窿第3季動畫的進度情況先
由於上上個星期三什麼也沒做
所以過去的星期三發奮追趕進度
一連完成了第2鏡頭的全10格動畫！
畫完的那個鏡頭其實就只是1秒的東西…
還好吧…之後就可以開始第三個鏡頭的事！
以依個進度落去…不知12月會出到什麼…
還好吧…有在往完成的方向進發！
進度：第一集的第二鏡頭完成
直接聽LOLO KNOWS 第5集請按：這裡
分享兒時看過的卡通片
某個Something Monday開始
我們會分一部份說說自己兒時看過的卡通片給大家
我們是成長在電視汁撈飯的時代
我們是那時候的卡通片及兒童節目養大的塞豆窿
製作動畫時 久不久也會想起 兒時看過的卡通點滴
或多或少是這個原故 才有現在製作卡通影片的衝動！
大家好！我係阿TAC，今天想跟大家分享的是「藍精靈」！
之前大部份分享的都係日本卡通片，今次就分享番一套比利時經典卡通：藍精靈！
一講起藍精靈當然就係要播下佢的主題曲啦！唔知大家有無聽過佢的暗黑版呢？是關於藍精靈去秀茂萍的故事…！嘿 （聽過請留言～）
據說藍精靈有105個角色，全部都是藍色皮膚，只有3個蘋果高的人形精靈！（無講係邊種蘋果呢～）佢地住在精靈村入面，每個人都有間蘑菇屋，所以d蘑菇要起碼5－6個蘋果咁高！仲要咁鮮色，仲唔係毒蘑菇…
雖然有咁多個角色，但我自己就只係記得幾個，大家一齊數下自己記得邊個：有紅色帽的精靈爸爸﹑金髮的美芝﹑煮野食好叻的廚師﹑四眼仔智多星（成日講d唔岩聽的野又懶醒咁）﹑論盡仔﹑有個野人﹑咩都唔鐘意的嚕囌王﹑音樂家﹑畫家﹑成日照鏡的阿靚﹑去到邊都瞓得著的爛瞓豬﹑好似有個無膽鬼﹑唔識講野的精靈bb﹑老dd黃色衫的精靈爺爺…大概是記得這些！奸角的加達和隻貓阿沙成日都想捉d藍精靈煮黎食！
藍精靈漫畫本來誕生在比利時，為何本名是法文Schtroumpfs呢？而且這字本來在法文裡並不存在。有人講係因為跟德文Strumpf（襪）的讀音有d似，加上藍精靈戴果頂帽好有d似白襪仔，因此得名…
但據作者比利時人Peyo（真名：Pierre）解釋是這樣的：因為地理位置的關係，法語也是比利時的法定語言之一。有一次Peyo跟朋友在比利時食飯時想叫朋友遞樽鹽俾佢，但佢果刻唔記得鹽的法文點講，就亂噏了個字Schtroumpfs！而且作者點解筆名叫Peyo，都係因為佢表弟讀錯左佢的名Pierre而開始用…依家人似乎好鐘意用錯字黎做創作…
而藍精靈戴果頂帽並唔係白襪仔，而係Phrygian cap弗里吉亞無邊帽，古羅馬時被釋放的奴隸都會戴依種帽，象徵自由！最經典款是紅色的，美國的參議院印章都有出現！平時的藍精靈好少會除帽的，而有一集就見到，其實他們都是沒頭髮的～
至於英文名Smurfs的來源，網上有兩個講法，有指是來自荷蘭文（Dutch）譯做Smurfen再變成英語就變成Smurfs； 又有人話是來自藍精靈和住蘑菇屋的特徵“small小﹑ dwarfs矮人﹑mushroom蘑菇“湊合而成！
初時我以為藍精靈只係得美芝一個女仔，然後發現原來仲有兩個後加的女角色：Sassette Smurfling和Nanny!
美芝的出現其實是加達為了誘騙捉走當時全男班的藍精靈而用巫術製造的女角色～後來被精靈爸爸識穿了，再用魔法將美芝變成真正的藍精靈！背後原因是負責著色藍精靈的Peyo太太覺得只有男角色有點微言而創作出來，初時只是行行企企的閒角…直至因為被大眾傳藍精靈是gay的…但又想打入當時對同性戀睇法保守的美國市場而將美芝續漸變成梗角！
只於Sassette Smurfling係被幾個藍精靈用當初加達整美芝的方法整出黎的； Nanny就設定是一早已經和精靈爺爺一齊，但在一次找寶物的途中失了蹤！後來在一個城堡被發現給困住了！
而在藍精靈3的電影中就出現左一堆女仔藍精靈…所以藍精靈的男多女少情況就一下子平衡了～～
以上就是我對藍精靈的印象和搵到資料啦！
你又有什麼印象呢？請留言話我知～
如果想密切注意我們影片的話，請follow我們的IG ＠suckdouloan 和 subscribe我們塞豆窿youtube的頻道呀！去spotify聽我地的podcast呀！
喜歡的話請訂閱我們的電子報，每星期一早上七時搶先電郵給你！
請繼續支持我地！
塞豆窿上
寫在食飽飽的星期日下午
Lolo Knows － by 撈奴
EP5 木棉
Halo ~ 今日講香港嘅樹 - 木棉
對木棉花最耐之前嘅記憶，就係讀小學時侯每日放學番屋企經過果個藍球場，果度有四五棵當時覺得好高好高嘅木棉樹，開花果期會落喺成條行人路度，仲比人踩到一pat二pat咁成地都係，細個會覺得e～好污糟!
今年3月見到街上木棉樹開花，望到果種火紅呢，有種好強烈嘅感覺！會好留意邊度有木棉樹，出街啦，坐巴士啦都會周圍望！(🤔唔通到咗某個年紀就真係會特別留意啲花嘅)
原來除左紅色，仲有一啲橙色嘅！有時又會周圍嘅樹都開哂花，零零舍舍有棵遲d先開！同埋有d全年都唔覺眼嘅樹，到開花開到紅卜卜先知:呀，原來你都係木棉咩🫣
網上見過當木棉花降落嗰期，有啲人會用好多地上嘅花，堆起做心形🧡啦，又會塞佢哋喺鐵絲網嗰度砌字，相傳呢，仲有啲長輩喺樹下面等，等啲花一落就拎起，曬乾咗之後可以煲五花茶！
講完花就當然要講吓啲棉啦，見到果實爆出黎嗰啲棉喺空中飛下飛下，都會唔講野住怕食左。嗱，呢兩年戴住口罩唯一嘅好處，係喺條街度可以好輕鬆咁樣欣賞嗰啲棉棉飛來飛去，白雪雪一球野一舊入便搵佢粒種子！
記得幾年前有d人類話棉棉太困擾，又搞到敏感啊盛，提議一早摘左啲果實，等佢唔好爆花，真係想問吓佢棵樹住喺度先，定係佢搬入去果頭住先。
講住咁多先，俾大家睇吓D棉棉
如果想聽番之前的LOLO KNOWS，可以睇番之前的blog架！
留言