上星期的blog開始有新的section叫Lolo Knows!
由撈奴黎主持～分享一下最近聽的歌或新發現！
估唔到有朋友好喜歡～
於是撈奴決定試下錄黎做podcast！
今集的分享是：擁抱的溫度
分享兒時看過的卡通片
某個Something Monday開始
我們會分一部份說說自己兒時看過的卡通片給大家
我們是成長在電視汁撈飯的時代
我們是那時候的卡通片及兒童節目養大的塞豆窿
製作動畫時 久不久也會想起 兒時看過的卡通點滴
或多或少是這個原故 才有現在製作卡通影片的衝動！
今天想跟大家分享的是「BB保你大」！
上星期開始補回之前d blog的video～
發現一開始因為只是想練習畫公仔
所以blog就只寫自己的記憶
無咩做資料搜集
好似上集龍珠咁其實網上有好多有趣的topic可以講的
例如係點解明明一開頭仙豆有成個缸咁多
但去到後來打菲利時就得番好少
又好似係到底邊個食得最多仙豆咁～
不過就因為沒有太多顧慮
所以會畫一d沒太多資料的卡通片人物～
好似今日要講的「BB保你大」咁！
做影片的話好似無咩內容可以講
之前的blog都係得三段仔，介紹下何嘉莉唱的主題曲係點
這裡放番之前blog的link
大家可以去看看
但係咁樣要人浪費時間聽我9up又有d過意唔去～
所以專登上網睇番幾集！
好開心搵到粵語配音～
大家有興趣可以到這裡看看
網上面搵到的資料係咁的，BB保你大係1993年刊登0係育兒雜誌的漫畫，
後來改編成電視動畫！
係一部搭配作者育兒經驗實錄的漫畫黎～
難怪覺得是給有小孩的父母看的～
但那時候的我（小朋友）眼中就只看到小朋友吧？
很喜歡5歲冰河（那個哥哥）和3歲莎拉（那個妹妹），
看著他們搗蛋，兩個大人（媽媽未來（同媽媽是小學四年級生咁岩撞名）和爸爸源太）又拿他們沒辦法，而且仲很愛他們，是真的很多小朋友的願望吧？
有人會拿這套跟蠟筆小新對比～
我自己就覺得bb保你大就是大人看小朋友的角度
感覺兩套除了一樣是一家四口之外 沒有太多相似的地方～
反而自己諗起另一套叫「bb與我」的卡通，會唔會仲似d？？
（其實沒有～）
有機會再做一集分享bb與我啦～
bb保你大其中一集
係講媽媽未來想一個人去超市shopping，
因為試過帶埋冰河同莎拉去
冰河就跑黎跑去 莎拉就扭買零食咁，好混亂！
結果未來就襯佢地睇緊電視的時候
同佢地講自己會出去超市好快番
小朋友當時係有應佢的 其實係睇緊電視無聽到媽媽講咩～
我自己細個都有試過類似的經歷
當兩個小朋友睇完電視回過神來發現媽媽唔見左就開始好驚啦 肚餓啦 爆喊咁！
冰河為了妹妹就cum左上雪櫃 想拎雪櫃上面的香蕉
結果唔夠高 半天吊了0係雪櫃上面
莎拉醒目拖了個cusion過黎接住跌落黎的冰河！
後來爸爸源太番到屋企發現兩個小朋友爆喊
以為媽媽唔要佢地
超市搞耐左的未來勁焦急跑番去
個腦不斷諗兩個細路會唔會遇到賊 或者有d咩危險咁！
就在的未來就跑到番屋企 就遇到源太帶佢地出去搵佢
兩個細路冒雨衝去媽媽度攬實 場面勁溫馨～
另外有集係講莎拉不斷在地上面大叫大喊扭偈轉圈
大人叫佢做一d野 佢都永遠說：不 唔鐘意 我唔要…
源太覺得好煩，就屈服俾佢睇鐘意的電視節目，
然後未來認為只係bb反判期，好快會過去～
故事去到後來有朋友介紹莎拉去拍一日model～
當然是大鬧拍攝地方 源太和未來後來意識到莎拉似乎不是反判期
而係本來性格就是這樣
未來諗到莎拉可能以後都這樣的話 感到好灰心～
就係依d咁生活日常的題材
身邊的朋友好多都做了家長 應該覺得作者好寫到佢地做家長的感受～
建議湊bb好沮喪的朋友去看看啦！
你對bb保你大的印象又是什麼呢？
如果想密切注意我們影片的話，請follow我們的IG ＠suckdouloan 和 subscribe我們塞豆窿youtube的頻道呀！去spotify聽我地的podcast呀！
喜歡的話請訂閱我們的電子報，每星期一早上七時搶先電郵給你！
請繼續支持我地！
塞豆窿上
寫在精神奕奕的星期日下午
Lolo Knows － by 撈奴
EP2 擁抱的溫度
Photo credit: https://www.dailymail.co.uk/femail/article-10808611/Touching-moment-Prince-William-hugs-emotional-man-Scotland-visit.html
作為一個重度手機使用者，自從iphone 有左screentime 功能之後，可以檢視下每日果啲空閑時間流逝左喺乜嘢地方。發覺原來我有4成時間用左喺social media app(er….明明自己現實生活勁唔social🥲)，而且極少煲劇。或者要唔能夠專心嘅我，坐定定一個鐘煲劇，係太難為自己。
不過其實我都仍然持有一個Netflix Account，主要用嚟睇”The Crown👑”，始終對皇室故事係有啲情意結🙂
今日想分享嘅係IG見到呢個post，劍橋公爵William喺蘇格蘭親善訪問嘅時候大大力咁擁抱一個另一個都係叫William嘅伯伯。 睇相入便伯伯William個表情，就感覺到嗰個擁抱嘅溫度同力度。
之後有訪問講翻，伯伯果一刻好感觸，因為冇諗過威廉王子會主動攬住佢，仲要好似一個仔仔攬爸爸咁攬法
你永遠都唔會知道，出自你嘅一個善意微小動作，對於有需要嘅人黎講，嗰一刻嘅價值同重量❤️
唔知上一次你咁樣俾人擁抱或者擁抱人係幾時呢？
第三季塞豆窿進度報告 － by TAC 阿踢
上上星期為了不再拖延進度
於是完成了第一頁鏡頭畫面的光仔做push up動畫
然後上星期3又想拖延～
於是用只做六分鐘的方法
讓自己開始畫第二格畫面
結果畫多過6分鐘的，第二頁鏡頭是畫光仔舉重，應該要畫6－7格的舉重動畫
不過只畫了動畫中的一格，
也好呢，不是零進度！
進度：第一集的第二鏡頭的一格
Commentaires