依個星期好忙碌噢！
因為不斷po文介紹免費打氣書仔﹑
抽獎和準備早鳥優惠 We will get there finally PIN 和 致 仍在默默堅持的您 紙膠帶 ！
心理準備都好緊要！
先先要同自己講點都要有d免費的東東幫人打氣！
所以有書仔，有兩條影片解說心路歷程和希望有安慰到同行者～
然後要同自己講就算免費都唔會有好多人抽獎和下載書仔的，
唔出奇亦唔係自己問題～買賣本來就是這樣的！
再之後就要同自己好清楚咁講：
做這個是因為自己好想要一個，
亦都覺得出來效果唔差，又有意義！
所以就印多dd睇上有無人都會想要～
就算最後賣唔晒，都無問題！不過自己要好認真咁將d產品推出去，才對得住自己！
下星期就開始做優惠宣傳！我會加油的！
分享兒時看過的卡通片
某個Something Monday開始
我們會分一部份說說自己兒時看過的卡通片給大家
我們是成長在電視汁撈飯的時代
我們是那時候的卡通片及兒童節目養大的塞豆窿
製作動畫時 久不久也會想起 兒時看過的卡通點滴
或多或少是這個原故 才有現在製作卡通影片的衝動！
今天想跟大家分享的是「外星毛查查」！
毛查查是個橙波波～播返仲係煲蓋頭的古巨基唱的主題曲俾大家聽下先！
依套應該多d人認識吧？原來和叮噹（多啦a夢）都是藤子・F・不二雄的作品～
跟叮噹的設定都是差不多吧，美紀：靜兒（靜香），大舊：技安（胖虎），
主角空夫比較有頭腦，不像大雄是個懶惰有咩事就喊的廢條…
諗諗下比較似上兩集講的勇者小靈精似d，不過那是最近幾日過身的藤子・A・不二雄的作品。
搵資料時發現原本在漫畫中的設定跟動畫不同，毛查查個樣同動畫中的都好唔同！漫畫的故事係話毛查查要離家出走遇上一樣想離家出走的空夫一起到宇宙冒險的故事！咁的情節一定比人改啦…嘿
動畫中的毛查查，跟妹妹毛lulu和細佬毛啦啦（感覺上日本好多卡通對於細佬的設定都是不懂說話的，好似q太郎個細佬o次郎，上次外星小美兒的澎仔細佬b仔等），他們為了尋找寶物來到地球，遇到空夫就住進他家裡，一起在地球尋寶！
當然會有死敵的，叫毛毛查…不記得為何他會跟大舊在一起～但每次出現都是悲劇命運，完全害唔到毛查查佢地～通常毛查查聽到有寶物就去搵啦，搞完一大輪就發現唔係d咩寶物～例如有一集一開始毛啦啦發現隻受傷的蟋蟀，將自己用機器變小後醫番受傷的蟋蟀，然後蟋蟀話自己俾集螳螂襲擊所以掉了寶物落條河到！佢地好積極咁用d樹枝汽水罐搭了隻木筏去搵…
點知遇到瀑布…！好彩毛查查可以吸氣變氣球昇起木筏，以為無事啦…點知d繩斷了！最後吹漲左的毛查查攝了0係底彈一彈先救番全船人…搞到後來搵到個寶物，毛毛查又黎搶！最後螳螂出現，不斷追住毛毛查…空夫佢地先可以拎番蟋蟀的寶物！原來係佢的虫卵～對於蟋蟀就當然係佢的寶物啦，但對於毛查查黎講就得個吉～
你對外星毛查查有無咩印象呢？留言話我地知呀！
上星期有兩條短片！
一個係講我們製作了一本打氣小書俾大家免費下載！
另一個是有關我們製作了pin和紙膠帶產品的背後理念。
有興趣可以留意看看！已經開始熱賣！4月18號之前訂購仲有早鳥優惠～
唔講咁多啦～記得like share同留言！
亦都請follow我們的IG ＠suckdouloan 和 subscribe我們塞豆窿youtube的頻道呀！ 去聽下我地個podcast！
喜歡的話請訂閱我們的電子報，每星期一早上七時搶先電郵給你！
請繼續支持！
塞豆窿上
寫在顧住宣傳其他野的星期日下午
Comments