嘿嘿嘿！
黎緊的星期3或4會將準備了有關打氣小書的影片放影（勁短的）～
附有摺書instruction！
同編劇A都錄了音，詳細d講下黎緊打氣pin＋鼓勵紙膠帶的野～
編輯緊，果條片長好多～哇哈哈！
已經黎到第48集的分享兒時看過的卡通！
計劃中是再畫多4集就將之前的21集都再整成影片！
咁依度我依然會每星期一打一點近況及最最最重要
就是開始畫塞豆窿第3季的卡通片啦～
今年一定要完成到！因為編劇A已經寫好了5集內容！
yeahyeahyeah！
2022已經過了四分一了
好像有很多事都在進行中！
大家年頭有set目標嗎？
還未開始行動嗎？就趕快開始做一點點吧～
分享兒時看過的卡通片
某個Something Monday開始
我們會分一部份說說自己兒時看過的卡通片給大家
我們是成長在電視汁撈飯的時代
我們是那時候的卡通片及兒童節目養大的塞豆窿
製作動畫時 久不久也會想起 兒時看過的卡通點滴
或多或少是這個原故 才有現在製作卡通影片的衝動！
今天想跟大家分享的是「外星小美兒」！
又係一套唔知仲有幾多人認識的卡通片～嘿
我真係唔知點解自己會記得的！有人話依套同借東西的小矮人有d似～
又係有小矮人 主角身體唔好 兩個人fd左！
咁外星小美兒係tbb1987年首播…
個故仔係講來自尼路路星的美兒
在一次和爺爺，及其他人坐太空船發生了意外（好似係俾隻貓打到）
被迫降落了在地球一個好隱蔽的森林裡面。
由於太空船壞了 聯絡唔到尼路路星
所以只好在森林裡面住下來
希望之後尼路路星的人會黎拯救佢地
美兒想可以番尼路路星見下屋企人
知道要等搜索隊拯救
所以每日都同b仔澎仔葛比度一齊探險～
葛比度應該係同美兒一對的，救過美兒幾次！加d綠色再p瘦d的話都幾似史力其～
澎仔係個囂囂地又浮誇的人，佢細佬b仔勁得意，成日重覆澎仔講的說話，所以澎仔講咩 其他人都會知！
由於尼路路星的人都只有10cm，每個人都有頂帽
爺爺怕佢地四圍走如果接觸人類的話會有危險
但美兒就唔理爺爺的說話 想救一隻俾麻鷹捉了的雀仔
入了正在森林對面療養的人類瑪莉亞的屋企 當時瑪莉亞一個人彈緊琴
不過瑪莉亞好鐘意美兒 仲同佢做左好朋友 個病仲漸漸好番
點知！
原來瑪莉亞有個鐘意的男仔，而最後個男仔無同瑪莉亞一齊；
同一時間尼路路星的人派搜索隊來搵到美兒佢地
準備接佢地番尼路路星！
瑪莉亞同一時間又失戀又連朋友都要走
雙重打擊下 本來無病的身體又再度因傷心過度而患上重症（um…）
更誇張的係 美兒要坐飛船番屋企果晚
瑪莉亞竟然真係病到生命要去到盡頭wor！！！！！（覺得有d誇張呢！）
至少離世前 有過一段美好時光
最後瑪莉亞奇蹟地無死到，因為美兒太擔心所以留0係度陪瑪莉亞
就在瑪莉亞要離世時 美兒太悲傷所以流了滴眼淚 滴了在瑪莉亞的面上
尼路路星的少女眼淚原來有起死回生的作用
（果然如果有人類知道的話，一定會提了美兒去研究同提煉眼淚去賣…）
咁尼路路人有留個通信器給美兒，等佢隨時可以叫人來接佢走
但結果就留了地球同瑪莉亞生活 …
播江欣燕唱的主題曲俾大家聽下～
credit：老孩子兒歌網 - 動畫版 MV
唔知你有無聽過依套卡通呢？
今個星期3或4會有一條短片！
內容係有關塞豆窿製作了一本打氣小書俾大家免費下載！
有興趣可以留意看看！
今日就係咁多啦～記得like share同留言！
亦都請follow我們的IG ＠suckdouloan 和 subscribe我們塞豆窿youtube的頻道呀！ 去聽下我地個podcast！
喜歡的話請訂閱我們的電子報，每星期一早上七時搶先電郵給你！
請多多支持！
塞豆窿上
寫在有d眼瞓的星期日早上
Comments