依幾晚都忙碌沒在畫公仔
即使星期三已經知道今天（星期日）要打針
即係有機會打完唔舒服會畫唔切點滴星期一
直至昨晚（星期六）
依然選擇懶洋洋
因為工作了很多年 板已經撞得夠多了
所以工作上的自己已經變成一個
不斷檢討和預測前面可能有什麼地雷要避開
而提早做好準備的人
因為我知道僥倖不可信
所以在發生事令事情受阻而又知道一早提左同事的時候
會好嬲d同事點解一早唔做好d
就是個咁harsh的人
然後自己發現
無論講多少次提幾多少次
在未發生任何事之前
自己講的前面有地雷對於同事都是bull shit
直至撞板
有d就會哭哭啼啼說抱歉
有d就會中立地陳述地雷爆的事俾我知 叫我想辦法
唯一幸運的是暫時還未到會遮掩中地雷的事不讓我知道…
我對佢地的信任還是存在的。
我想講的就係在未有發生之前我講幾多是沒有用！
而今次我選擇不提前就畫好
一方面我並不當經營塞豆窿是工作～
並不是不認真經營
怎麼說好？
像在實驗～
想體驗番那些同事的心態
同流合污
令自己平衡一點
不致於回到公司就覺得全部都係想害自己的人
不致於一回去就想孤立自己的感覺 然後又自憐覺得好弧獨
亦不致於 不想工作
那句想行得快就自己一個 想行得遠就要多d人一齊
對我來說 實在太痛苦
不過
昨天在公司坐坐吓 我望住櫃上的耶穌像
忽然覺得連耶穌親自揀的12宗徒團隊都是這樣
我是什麼…
為何覺得自己團隊有可能更好？
一下子這兩星期的陰霾走了
祝煩惱中的你
都可以找到出口～
分享兒時看過的卡通片
某個Something Monday開始
我們會分一部份說說自己兒時看過的卡通片給大家
我們是成長在電視汁撈飯的時代
我們是那時候的卡通片及兒童節目養大的塞豆窿
製作動畫時 久不久也會想起 兒時看過的卡通點滴
或多或少是這個原故 才有現在製作卡通影片的衝動！
今天想跟大家分享的是「忍者小靈精」！
可能會有人問點解唔講忍者亂太郎而要講忍者小靈精？
係咁的，點滴星期一本來係一個blog黎的
原本開始時是想每星期練習畫公仔
到後來bro同kitty忙住生bb
所以在無劇本的情況底下開始將每星期的點滴星期一內容
變成錄音影片放上youtube頻道
開始做第一條點滴星期一分享懷舊卡通的影片已經畫到第21幅
那就是男兒當入樽那集，所以果時叫第21集！
而在此之前我已經有畫過忍者亂太郎了～
又由於本來每星期練習畫公仔依件事我係想做1年的
所以第52集之後
我會重新將之前畫了的點滴星期一重新製作影片！
到時就會介紹番忍者亂太郎了～請等一下～
正題！
忍者小靈精是講一個著藍色忍者衫
來自伊賀派的少年忍者服部
為了修行，所以來到東京的健仔屋企寄居
本來忍者的佢應為要倒貼在天花板上睡就可以了
後來佢同細佬同獅子狗在健仔間房搭了個閣樓
對於服部的記憶係佢會稱呼自己為在下
同埋沖涼的時候都不會脫佢的頭套
唔知道本身佢係有無頭髮的～
可能因為佢太正直
所以我比教鐘意為食的獅子狗～
搵資料先知道原來獅子狗係鬆獅狗的品種！
日本人喜歡叫d動物做乜乜丸﹑物物丸的（有人可以話我知是真的嗎？）
所以原名其實叫獅子丸
當年tbb幫佢改了名叫獅子狗 而佢又好喜歡食竹輪！
所以我細個的時候真係以為竹輪叫獅子狗的～
早幾年香港有間公司 因為提大家竹輪不是叫獅子狗而發生了炒人事件添呀～
想知點解就自己上網search下啦吓
有伊賀派就一定會有甲賀派
服部的對頭係甘麥基
由於甲賀派規定對外是要隱藏身份 所以平時都無戴頭巾
而且穿普通衣服
樣貌跟叮噹的牙擦仔差不多
甘麥基有隻會忍術的貓同獅子狗係宿敵！
最後點都要播少少佢的主題曲俾大家重溫下！
又越過高山又越過谷
忍者身體似飛機
天空任意飛
正直善良靈精
令人地歡喜
以上就是我對忍者小靈精的印象啦！
唔知你有無聽過依套卡通呢？
記得like share同留言！
亦都請follow我們的IG ＠suckdouloan 和 subscribe我們塞豆窿youtube的頻道呀！ 仲有podcast！
喜歡的話請訂閱我們的電子報，每星期一早上七時搶先電郵給你！
請多多支持！
塞豆窿上
寫在打完針的星期日黃昏
Comments