上個星期天氣突然暖了好多
d升key雀又開始活躍了
大家有被吵醒嗎？
靜靜雞跟你們說
過年時訂造的pin跟紙膠帶已經收到了！
今朝好興奮的在影product相～
在想怎樣出介紹的影片好？
第1個想法是：將朋友的手工刺繡光仔pin跟我的lego地圖和背包放在一起
然後變成兔菠幫我整的3d光仔
再變成那個pin！
可能要造成影片比較好？？
第2個想法是：將初衷說出來，
最初初依個點滴星期一blog來到第51次，因為一開始並未有在介紹卡通片的，只是在交待自己畫動畫的進度～所以有幾集的誤差！
後來因為感到自己畫功要練習～
所以就開始每星期畫一幅小時候看過的卡通當練習～
亦開始在點滴星期一blog介紹懷舊卡通！
到21集男兒當入樽時
bro同kitty有了bb唔得閒
我就開始將文字變簡單的影片
在youtube介紹舊卡通的節目 維持住每星期一有片出
咁本來打算挑戰一年，當介紹懷舊卡通畫到第52集（今次已經第46集了）時，
就將所有畫過的卡通集成一本小書，
紀念一下自己進行了1年的練習！
但後來有考慮到版權的問題…
而且那時的自己要做些大的決定
明白同接受自己只是凡人
感到迷茫孤獨…
那天 發現依然有其他人都用自己的方法默默堅持住 而感到被鼓勵～
所以想做點什麼鼓勵其他人…
然後想起一個有關人生計劃的故事！
於是就畫了那個故事出來
跟住覺得無人會買～～～～～～
所以就變成那種可以自己用一張A4摺出來的zine
等想要的人自己免費download自己摺成小書
之後又覺得唔係咁多人想print出黎…
所以就整了flipbook～
可以網上欣賞！
而在flipbook下我放了link可以免費download A4（但我未放摺小書的instruction…）
後來覺得都畫得幾靚～～～
所以就有了整個pin的想法！
亦都有d將自己的座佑銘變成紙膠帶的想法！
可以周圍貼來鼓勵自己或者鼓勵其他人～～～～～～～
拍一集發噏風，我同編劇A講晒d來龍去脈出來，不過應該唔係咁多人想知～
第4個想法是：畫光仔歷險記，光仔用紙膠帶整到阿餅變木乃衣～嘿！但pin就未諗到點畫好…
未選定
分享兒時看過的卡通片
某個Something Monday開始
我們會分一部份說說自己兒時看過的卡通片給大家
我們是成長在電視汁撈飯的時代
我們是那時候的卡通片及兒童節目養大的塞豆窿
製作動畫時 久不久也會想起 兒時看過的卡通點滴
或多或少是這個原故 才有現在製作卡通影片的衝動！
今天想跟大家分享的是「天威勇士」！
相信唔係咁多人認識依套卡通！我都唔知點解我咁記得的～ 當有人俾人蝦的時候，主角阿龍就會出現，他每次都會背住太陽企到好高的懸崖尖說：有黑暗嘅地方就有光明，有邪惡嘅地方就有正義！
因為背光又站得那麼高，所以d壞人通常第一時間是問：你係邊個？
跟住阿龍就會好串咁答：我無必要講個名你知！再大叫：天空宙心拳～跟住由懸崖跳落黎，一腳踢落d壞人度（um…唔好問我點解天空宙心“拳“是用腳…）
有無點點記憶？？
當阿龍唔夠打的時候，就會變劍龍！不是恐龍那種…
是將他爸爸給他的狼頭劍拋向天空，旁白就會出來解話：
狼頭劍發出萬丈光芒,依把劍會衝上太空,變成機械人身軀,阿龍同佢合體之後就會成為劍龍。
而阿龍就會在空中夾心咁入左劍龍裡面，之後就講:有黑暗嘅地方就有光明,有邪惡嘅地方就有正義。我係天上嚟的使者-劍龍。
完成了變身～
當然變身之後不是無敵，所以又唔夠打的時候就會做第三次變身合體！
給大家看看粵語版本：https://youtu.be/4sDj4ccivD0
而那個變身都一樣是將他爸爸給他的狼頭劍拋向天空講：狼頭劍,狼頭劍,賜我無窮力量。
而旁白就會用另一句對白由頭講一次咁出來解話：阿龍需要幫忙嘅時候,狼頭劍會發出萬丈光芒,佢會越過時空,當阿龍同佢結合之後,就會變成劍龍。狼頭劍吸收地上所有能量,就會產生無窮力量,此時劍龍就會成為無敵鐵甲人。
劍龍連人帶機就會在空中再一次夾心咁入左大d的機械人入面，再大叫:無敵鐵甲人！
再一次完成了變身～
依d對白真係好搞笑～～～hahahahha
如果連依段記憶都無的話，就其實係無睇過依套卡通架啦～
搵資料的時候發現了阿積和阿樂的機械人，
一個係鑽地（我估佢係阿積），一個係戰機（當佢係阿樂先啦…）；
一直覺得鑽地果個有時會0係變形金剛果度出現！
我小時候都有依個玩具！
然後先知道一件驚人的事？！
話說在天威勇者出現之前，BANDAI出了一套Machine Robo的玩具，
美國玩具公司TONKA想將Machine Robo玩具引入美國，所以就托一間美國動畫公司畫了套動畫叫百變雄師（GOBOTS)，d公仔強差人意…你看看這個阿樂…
咁大家可能會問點解要搵個咁的動畫公司呀…人家可是大名鼎鼎製作tom and jerry同藍精靈果間Hanna-Barbera Productions！那為什麼會畫到這樣呢？？？我都唔太理解…不過據說當時是獲得成功的，令Machine Robo玩具成為全美銷售冠軍！令TONKA的對手孩之寶相當眼紅！
所以事隔一年孩之寶 用另一間Takara日本玩具公司 聯合MARVEL和東映動畫，好聽d就製作，唔好聽就抄巧～整了第一代的變形金剛！！迅速將百變雄師打敗了！無他的～那個畫風真的爭很遠…俾著係你，你會點揀？
有見及此，BANDAI自己在Machine Robo的玩具基礎上新增了角色，聯合日本的動畫公司推出了天威勇士！大家看看阿積，由日本人來畫是比較好吧！不過好可惜，TONKA（美國授權商）最後還是破產了，仲被孩之寶收購了，所以包括《百變雄師》及關聯的一切知識產權（天威勇者）都歸孩之寶所有！
而更可惡的是孩之寶並沒有要幫百變雄師起死回生…
反而將百變雄師推向俾bb玩的玩具…直接將佢打了去bb市場，不能再與變形金剛競爭…
時至今日變形金剛變成大眾最受歡迎…
＊在準備錄依集點滴星期一的時候
打開ig，發現大家以為我想講另一套叫高迪安的卡通片！
我係無睇過高迪安的，但發現佢早出過天威勇者，而都是人夾心入機械人再夾心入大機械人呢…只是天威勇者畫我比較靚…
um…天黑烏鴉一樣黑呢～
就是這樣～
你有看過天威勇士嗎？
請follow我們的IG ＠suckdouloan 和 subscribe我們塞豆窿youtube的頻道呀！聽我們podcast呀～
喜歡的話請訂閱我們的電子報，每星期一早上七時搶先電郵給你！ 感謝你們繼續支持！
塞豆窿上
寫在又凍番的星期日下午5：00
Comments