大家還好嗎？
分享一下認為自己是一座孤獨星球感覺
與世界格格不入
好多事情都在適應中
好多事情依然在自己可肯的情況下堅持住
提自己要做正確的合乎天主合乎愛的選擇 不要被仇恨矇閉雙眼
可以憤怒可以傷心
但做決定前先洗個面 祈個禱
願大家都在塵世中做過客時得到平安 亂世中的平安！
主佑各位！感謝天主！
分享兒時看過的卡通片
某個Something Monday開始
我們會分一部份說說自己兒時看過的卡通片給大家
我們是成長在電視汁撈飯的時代
我們是那時候的卡通片及兒童節目養大的塞豆窿
製作動畫時 久不久也會想起 兒時看過的卡通點滴
或多或少是這個原故 才有現在製作卡通影片的衝動！
今天想跟大家分享的是「四驅小子」！
大家會否搞亂了另一套迷你四驅車卡通片四驅兄弟呢？俾番少少主題曲大家聽下先： https://youtu.be/rTdi4tVA8HQ
四驅小子是比四驅兄弟再早期一點的四驅卡通，大約是1987年－93年的漫畫，在89年改成動畫，91年在香港播出！比起四驅兄弟，四驅小子較為真實，會講解氣流，摩打車身設計如何對應不同的賽道，例如第一集四驅郎為了加強佢架車「勝利者」加速飛起後，著地的穩定性高d，決定唔將車殼的後面鎖住！所以一飛起架車的車殼就會重後打開…令到車在空中減速，完美著地（很扯吧～）。
主角叫四驅郎！一聽個名就知道幫佢改名的係幾咁鐘意四驅車啦～不過故事無交待過依一點！嘿，他爸爸是真正的四驅車手，不過在比賽中失蹤了，第一集就已經交待四驅郎由麻麻獨自撫養，父母都被當成死了有神主牌，四驅郎食飯前會去裝香。
搵資料的時候發現好多中文網上的四驅車名字都用了唔係香港的譯名，搵番第一集粵語版就已經有介紹的，大家可以去睇番。
四驅郎的車隊叫DASH 達修隊，有五個隊員。
我自己最鐘意的係進驅郎的「摘星者」，當時覺得無論俊驅郎定架摘星者車身都比四驅郎的有型！
四驅郎第一架車叫「勝利者」，後來唔記得第幾集開始就有架新的叫「地平線」！第一集比洛基隊有隊員用四驅車蹍過其他準備緊比賽熱身中的車！四驅郎就用勝利者引佢地衝去海邊，而因為勝利者的設計是可以只用一邊的前碌驅動，所以飛起的時候就可以迴旋回來不會衝落海！
膽驅郎部「火艷陽」夠晒重，杉驅郎是我比較少記憶的隊員，就是一個搖滾歌手造型的男仔，架車叫「沖天炮」。d名全部改得比較詩意d咯我自己覺得～又當我係先入為主啦吓！
輪子是達修隊唯一女仔，造型跟春麗好似，出場都是充滿功夫感的～佢架車叫「舞娃娃」，第一集比賽時就專登較慢少少令自己過彎同飛車著地時穩定過關。
依個令我諗起一個小插曲～
當年同bro 0係屯門八佰伴（出賣年齡～）參加了一次四驅車比賽！我果架係摘星者！bro果時買了舞娃娃～～～～～嘿～～～～～佢話因為見係紅色車身白色軚，以為係火艷陽～定唔知覺得顏色好靚所以就買了！有說是我當時水佢火艷陽係紅色唔係綠色，但我無依個印象～～～～
一開始bro就跟住佢架車大叫上呀！然後發現其實架車係唔會因為你叫而快d架～～（童年破滅）再來就是其他車都是用某國的電池好處是輸出率勁高，一野就爆發大部份的動能！比起bro當時用的標榜長壽的兔仔鹼性電池～自然就輸出率比較低（要持久嘛～），仲用緊白摩打又無改裝勁d轉數的摩打和車軚，亦無加任何滑輪配件，總而言之就是原廠裝備咁去比賽！結果？
係贏了的！！！！！
yeah！ 點解？其他車因為改裝到好快，以致過彎時飛晒出軌～ 而得番bro架車可以慢流過關～
以上就是我對四驅小子的印象啦～ 想密切注意我們影片的話，請follow我們的IG ＠suckdouloan 和 subscribe我們塞豆窿youtube的頻道呀！還有podcast呢～
喜歡的話請訂閱我們的電子報，每星期一早上七時搶先電郵給你！ 感謝你們繼續支持！
塞豆窿上
寫在一張圖都未畫的四點
Comments