Hello！你地幾好嘛？
又到星期一啦～
上星期工作時有個今年考DSE的妹妹同我講佢好怕會中肺炎
因為一中左就無得考試
佢覺得自己準備了咁多年就係為了依個考試
如果無得考會崩潰。
雖然好明白亦覺得佢好生性
但係人生的野無法預料
覺得佢將自己情緒同精神狀態推到依個地步有點危險…
所以最後都婉轉地跟她說了
雖然明白佢的想法 而且考到就當然最好
但請佢相信 依個世界發生左的都係美好的
當然發生緊的當下唔會明白
但回過頭看就會知道係真的
然後佢媽媽終於掩唔住自己擔心 聽我這樣說有點鬆一口氣
果個妹妹當然唔明白我講咩啦…
不過都同佢講我自己做左咁多年人發生過唔少次依d覺得一定唔可以失敗卻失敗回頭看卻是美好的經歷 告訴她最接近發生的一次就係兩年前本來想搬大d的舖位結果搬唔成 因為間多了間房之後好多客人都投訴地方太窄惡言或嫌棄 彷彿到來是一種委屈 結果機會來了卻沒有搬成…當時相當失望 每次有客講的時候我都唔想回應…
但係依家睇番，如果搬得成的話，依兩年的經濟情況一定會出現問題！
點都好，都希望佢可以平安順利！
分享兒時看過的卡通片
某個Something Monday開始
我們會分一部份說說自己兒時看過的卡通片給大家
我們是成長在電視汁撈飯的時代
我們是那時候的卡通片及兒童節目養大的塞豆窿
製作動畫時 久不久也會想起 兒時看過的卡通點滴
或多或少是這個原故 才有現在製作卡通影片的衝動！
今天想跟大家分享的是「超級小黑咪」！
講起依套卡通我最深印象就係陳慧琳唱果首主題曲～
黑咪本來是流浪貓，不過因為不和所以離開了流浪貓的群體。最後因為太疲累倒在兩個老人家的門口，於是就被收養了！兩個老人家屋企應該都有唔少值錢野，所以經常引黎好多小偷！黑咪很感激兩老，時時保護他們，為他們打走小偷！
有天黑咪想向心儀很久的小狗表白…（唔好問我點解黑咪鐘意狗）點知夢想要統治世界的邪惡科學家剛博士，因為睇中了黑咪趕小偷咁打得的能力，所以暴力地捉走了黑咪，將佢改造為成身武器的機械貓！利用黑咪黎征服地球！
不過我行我素的黑咪點會因此就範呀～直接將剛博士藏在佢耳仔內的控制晶片當耳屎咁撩了出黎～自己走番去兩個老人家身邊！但黑咪感到自己的金屬外型一定會嚇親人，所以在附近的夾公仔機搵到個同自己原來差不多樣的貓公仔，掏空裡面的棉花就穿上身，變回本來的樣！真的很聰明～
可惜因為剛博士暴力地捉走了黑咪時，將黑咪心儀小狗的家炸毀，導致小狗一家要搬走了…黑咪的愛情就這樣無疾而終…
對於黑咪的逃走，剛博士當然不死心，所以同佢的夥伴m仔製造了一堆機械貓軍團，想將黑咪帶番黎！但係果堆機械軍完全唔夠打！後來m仔同黑咪對決的時候，因為破壞周圍的建築物得太厲害，所以導致大樓崩塌！本來m仔要被大石壓扁的，但黑咪擋住了大石救了m仔！m仔為了答謝黑咪就幫佢逃走了！
就是這樣了～
以上就是我對超級小黑咪的印象啦～
想密切注意我們影片的話，請follow我們的IG ＠suckdouloan 和 subscribe我們塞豆窿youtube的頻道呀！最近還有podcast呢～
喜歡的話請訂閱我們的電子報，每星期一早上七時搶先電郵給你！ 感謝你們繼續支持！
塞豆窿上
寫在剪完頭髮番黎趕工錄音的星期日晚8：00
Comments