上星期獲一位繪師邀請畫年宵市集的檔攤～
結果畫了雪糕電單車！
其實現實中應該都好少機會見到佢地出現年宵裡面～
不過就是想畫！
畫出黎之後我真的感覺自己有進步了！
經過了上兩星期的網上課程學畫環境的圖，
因為不斷交的功課只是跟住內容畫，
當今次要創作的時候就發現用得番之前學的東西時！
真的很開心～
分享兒時看過的卡通片
某個Something Monday開始
我們會分一部份說說自己兒時看過的卡通片給大家
我們是成長在電視汁撈飯的時代
我們是那時候的卡通片及兒童節目養大的塞豆窿
製作動畫時 久不久也會想起 兒時看過的卡通點滴
或多或少是這個原故 才有現在製作卡通影片的衝動！
今天想跟大家分享的是「俏皮扮嘢貓（我為貓狂）」！
主角叫米高，是隻橙啡色虎紋貓仔，一開始出現在作者小林先生的住的屋企露台欄杆上，小林先生住的大廈好似都有6－7層樓咁高，佢好似係住6樓咁上下。
然後小林先生見米高都幾矯健，0係個欄杆上來回度步拍蝴蝶都如履平地…結果好奇又白痴的小林先生想試下米高係咪咁厲害，就搵d嘢掉米高…點知米高就跌落咗樓…小林先生勁驚成為殺貓兇手，跑出露台望落樓下又唔見有米高的蹤影，於是落樓下睇下。
依個時候其實米高係跌咗落兩層的另一家人的屋企！果家人唔多歡迎米高，佢地食緊飯米高想食枱上的魚…家人唔俾佢食，驚餵完之後米高會成日黎痴餐～最後混亂中米高又跳咗落樓以為死梗…
結果跳落去的時候，岩岩好俾行出黎搵米高的小林先生接住咗！於是小林先生就養了米高了！
有時有d集數米高會變了上班族，佢女朋友同有隻狗（好似叫申之助）都會變了上司或同事開吓會咁～
最記得係有隻大隻貓叫加德里奧，係隻三色花貓！有時會做公主，有錢人養的！勁霸道，每次一出現所有貓都會好驚！
套卡通最後會有米高同所有角色出來跳舞～na na nanana～大家一聽到音樂回憶就會番晒黎！依套卡通都幾岩貓奴睇～～
以上就是我對俏皮扮嘢貓的印象啦～
想密切注意我們影片的話，請follow我們的IG ＠suckdouloan 和 subscribe我們塞豆窿youtube的頻道呀！最近還有podcast呢～
喜歡的話請訂閱我們的電子報，每星期一早上七時搶先電郵給你！ 感謝你們繼續支持！
塞豆窿上
寫在星期日的凌晨一點
Comentarios