大家上星期過得幾好嘛？新的星期又要開始了。
報告一下之前決定今年點滴星期一youtube播到第52集的時候
會出一個pin紀念一下自己的堅持
亦想鼓勵一下還在默默用自己方法在自己崗位堅持住的各位
設計已經完成一半半
今集已經是38集！本來想放棄出pin 因為成本太高…
但年頭跟自己說要做點不敢做的事！
拿出勇氣 硬住頭皮做吧！！！！！！！！
大家這星期也一起加油呀～
分享兒時看過的卡通片
某個Something Monday開始
我們會分一部份說說自己兒時看過的卡通片給大家
我們是成長在電視汁撈飯的時代
我們是那時候的卡通片及兒童節目養大的塞豆窿
製作動畫時 久不久也會想起 兒時看過的卡通點滴
或多或少是這個原故 才有現在製作卡通影片的衝動！
今天想跟大家分享的是「朱古力小靈精」！
這卡通在ig提問時由phoebe提供～一見到個名就覺得好熟，但又講唔出是什麼～類似占奴個讀歌詞估歌名節目，好熟好熟但就硬係噏唔出是什麼的感覺！
朱古力小靈精真的很少人記得，報導亦少～後來在youtube搵番一集黎睇（不過是日文的），唔識聽日文都覺得好好笑～又有dd回憶番番黎！
有一天魔女靚姑靚靚0係出面嚇完d小朋友番到大宅時，發現煮緊的朱古力燶了…於是施魔法將pat燶左的朱古力漿倒了出街。點知過了無耐，pat朱古力漿得了生命變成了主角朱古力，是個小朋友。
朱古力就這樣行下行下到了城市，見到頭先靚姑靚靚嚇完果d小朋友，想同佢地玩，要痴住佢地…班細路嚇死啦，狂跑想逃走，最後朱古力撞牆暈左。依個時候咁岩靚姑靚靚其他的魔法精靈0係附近就變成一卷廁紙﹑一粒糖同一個青蕉碌到班細路面前，一野變番妖怪樣嚇走了班細路，救番朱古力番大宅！
成套戲其實最記得就是果幾個精靈的名：廁紙＝玉扣紙，糖果＝糖糖，青椒＝青bb！記得靚姑靚靚唔知咩事錫了青bb一啖，然後佢變左紅椒！！！！！！嘿～
以上就是我對朱古力小靈精的印象啦～
想密切注意我們影片的話，請follow我們的IG ＠suckdouloan 和 subscribe我們塞豆窿youtube的頻道呀！最近還有podcast呢～
喜歡的話請訂閱我們的電子報，每星期一早上七時搶先電郵給你！ 感謝你們繼續支持！
塞豆窿上
寫在肩膊痛的星期日下午
Comments