今個星期因為有努力上堂，所以都post多了ig圖～
身邊的繪師都陸續破千了，有d甚至係破3000！
我由一開始就在等這個1000呢！
仲爭30個！兩星期就要破破看！
嘿～雖然話唔係太睇數字，因為無張圖的like數都大部份唔過100就知道你有幾多follow都係浮雲！
不過到真係逼近1000時，還是會有點小興奮的～
大家這星期一也一起努力吧！加油加油加油！
分享兒時看過的卡通片
某個Something Monday開始
我們會分一部份說說自己兒時看過的卡通片給大家
我們是成長在電視汁撈飯的時代
我們是那時候的卡通片及兒童節目養大的塞豆窿
製作動畫時 久不久也會想起 兒時看過的卡通點滴
或多或少是這個原故 才有現在製作卡通影片的衝動！
今天想跟大家分享的是「飄零燕」！
飄零燕依套卡通不得了～有好多個名！會叫阿爾卑斯山的少女，台灣又叫佢做小天使，凱迪（海迪）原來叫小蓮！！！！！！！套卡通原來係宮崎駿有份製作，仲專登到瑞士收音，風聲，羊聲…好認真！
近幾年比較多人知就應該係凱迪推坐輪椅的卡麗娜落海的梗圖…
我仲專登上youtube搵番果集黎睇…！大家有興趣去睇番，link我放留言！
睇番先記得凱迪是個孤兒，照顧佢的阿姨因為要到外地打工，而將凱迪帶到性格孤僻的爺爺同住！
爺爺住阿爾卑斯山上面，（當年我同喜之次畢業旅行就有專登到瑞士想行那個步道到爺爺的小屋，最後因為天氣惡劣而取消行程！！）
凱迪在山上跟住附近的牧羊少年彼德做左好朋友！每日都無憂無慮過日子～
點知有日無啦啦俾人送左去德國法蘭克福一戶有錢人家做伴讀書童（華安？）！其實凱迪又唔識字的，無啦啦點解要搵佢伴讀呢？奇怪…我估同古代請個妹仔的概念差不多…
果家人有個女叫卡麗娜，對腳有事唔行得，要用輪椅，佢同凱迪做左好朋友，凱迪俾個女管家管到有病，初時大宅以為有鬼，後來發現係凱迪夢遊症，醫生話係因為管得太嚴厲所以鬱成病…然後卡麗娜的麻麻同爸爸就決定將凱迪送番上山～卡麗娜的麻麻同爸爸都當凱迪是自己孫女和女兒一樣，而且麻麻在這卡通內是智慧老人的角色，會用有趣的故事書引起凱迪讀書的興趣～在之後卡麗娜堅持上山搵凱迪的時候，婉轉地掉走麻煩女管家落山，話大宅無左佢立立亂！又聽爺爺講，用佢的方法令卡麗娜有想自己行的渴望！最後0係一集之內卡麗娜就在阿爾卑斯山行得番了！（諗起聖經故事～haha）
故事的最後係麻麻同爸爸接卡麗娜落山，因為山上面的冬天太寒冷卡麗娜根本無辦法捱得到，凱迪同彼德追架馬車跑左九條街講byebye（total用了兩分半鐘的時間一路跑一路講byebye！）！凱迪話冬天過了就會有春天！等到春天來到，卡麗娜就會上山搵佢地玩！好有希望的結局～
以上就是我對飄零燕的印象啦～
想密切注意我們影片的話，請follow我們的IG ＠suckdouloan 和 subscribe我們塞豆窿youtube的頻道呀！最近還有podcast呢～
喜歡的話請訂閱我們的電子報，每星期一早上七時搶先電郵給你！ 感謝你們繼續支持！
塞豆窿上
寫在星期六的晚上
Comments