你還好嘛？2022都係繼續充滿挑戰呢～
一號畫了一張光仔指遠方的畫，
然後參加了一個網上畫班，用procreate試畫了一幅光仔在奇異森林拎住地圖迷路的的畫！
感覺幾好，有連繫性又可以練習用下procreate畫公仔。想看可以到ig＠suckdouloan看噢！
最近都假唔中突發update下發噏風的系列！
都幾開心的～
大家依個星期都要繼續努力呀！
分享兒時看過的卡通片
某個Something Monday開始
我們會分一部份說說自己兒時看過的卡通片給大家
我們是成長在電視汁撈飯的時代
我們是那時候的卡通片及兒童節目養大的塞豆窿
製作動畫時 久不久也會想起 兒時看過的卡通點滴
或多或少是這個原故 才有現在製作卡通影片的衝動！
今天想跟大家分享的是「長腿叔叔」！
朱迪個鼻窿畫得有dd大～嘿！佢的造型跟之後進軍香港的wendy's快餐店好似～
講番正題先～長腿叔叔應該都多人記得的！女主角朱迪是個孤兒院長大的女孩，已經超齡但未被領養！一開始是說有班理事（有錢貴族）會來做個考核，而朱迪的文筆唔錯，想做作家； 如果通過是次考核會有機會得到入大學定高中的機會！
可惜的是她在考核時闖了大禍…（是什麼我已經忘了，類似是整蠱？但無理由在這是整蠱理事呀？！總知就闖了禍啦）理事們大怒走了！但有一位理事遲到，而朱迪寫了封信說後悔同會改過？？咁上下～最後依位理事睇完封信就決定全額資助她上高中定唔知大學咁！
不過有條件的，就係要朱迪每個月寫封信俾佢報告一下學習的情況，而佢用假名john smith，又話明唔會回信俾朱迪。朱迪只係見到依位善心人的影有好長的腳，依家幫佢改左個名叫長腿叔叔daddy long legs…
入到學校時要住宿舍，室友是位貴族的千金小姐，初時有d睇唔起朱迪？記得第一日朱迪將d傢俬排得好古怪，千金小姐串佢，然後朱迪就示範一次她咁樣的排列可以令自己兩三下就由書枱彈到上床好方便咁話～
仲有一次佢地兩個同千金小姐的叔叔仲有另外兩個同學到公園野餐，當食雞鎚時朱迪一手拎起雞鎚黎食，兩個fd就跟住試下，千金小姐就話佢地無家教，叫佢地用番刀叉食！最後朱迪成功叫到兩個fd跟佢用手食因為滋味d，兩個fd試完覺得真係好味過用刀叉食，於是千金小姐好奇之下就試了～雖然顧住面子，但都睇得出佢係認同用手食係好味d的！
故事後來講到千金小姐的叔叔同朱迪互生情素，然後求婚！omg！不過果個年代可能係已經適婚年齡？但是！朱迪自卑心作崇，認為人家是貴族，襯佢唔起…如果自己愛他就應該離開他拒絕他果d老套劇情…
最後來到畢業！長腿叔叔同千金小姐的叔叔同時話有病黎唔到睇朱迪畢業…朱迪最後選擇了去搵長腿叔叔～然！後！發現長腿叔叔其實就係千金小姐的叔叔…之！後！佢地結了婚～
唔知大家覺得點呢？當時年紀少的我有覺得自己有種那裡怪怪的感覺，雖然都戥朱迪開心的～有情人終成眷屬！但！係！依家我再諗，如果在依個年代發生咁的事會唔會俾人話長腿叔叔係變態叔叔？sugar daddy？養大個女仔做自己老婆？利用朱迪書信內容可以更易親近朱迪wor～！朱迪唔覺得嬲咩？唔覺得一切都係假架咩？正路依家有d咁的事女仔可能會鬧爆長腿叔叔wor！
咁原著聽講在當時係特別的文學作品，因為成本書的內容就只有朱迪的書信！好似叫書信體～ 而讀到後面，我們可以透過朱迪的用字？grammer？知道後來她在成長！
又聽講小甜甜的作者就因為睇了長腿叔叔小說而畫了小甜甜的漫畫～又係孤兒背景，又係有人助養，大個左之後發現自己喜歡的人就是助養自己的人！
就是這樣了！
你對長腿叔叔又有咩印象呢？ 請留言告訴我們！
想密切注意我們影片的話，請follow我們的IG ＠suckdouloan 和 subscribe我們塞豆窿youtube的頻道呀！最近還有podcast呢～
喜歡的話請訂閱我們的電子報，每星期一早上七時搶先電郵給你！ 感謝你們繼續支持！
塞豆窿上
寫在星期日的晚上
コメント