2022年已到呢！
今年大家也大展拳腳！好好努力一波吧～
所以選擇正能量的表表姐 戴志偉作為2022第一張分享的點滴星期一～
相信辦法總比困難多，收獲一定滿滿的，比想像的豐盛！
塞豆窿依然會陪住你過每個blue Monday～
因為買了ipad之後都未好好利用
而本人是比較學院派…（即沒有人教，靠自己是學唔識的…）
所以在想再次買一些procreate的課程，
讓自己好好利用部ipad！不浪費！
又在想，還是好好努力想一些企劃讓自己挑戰一下，逼自己要用procreate或mental canvas畫東西！
有想過30天challenge每一日畫，但這樣太忙就會令youtube出片出問題～
或是每星期出一張畫，當是練習！這樣比較輕鬆！
但想有點主題！
讓我再想想…
分享兒時看過的卡通片
某個Something Monday開始
我們會分一部份說說自己兒時看過的卡通片給大家
我們是成長在電視汁撈飯的時代
我們是那時候的卡通片及兒童節目養大的塞豆窿
製作動畫時 久不久也會想起 兒時看過的卡通點滴
或多或少是這個原故 才有現在製作卡通影片的衝動！
今天想跟大家分享的是「足球小將」！
同多啦a夢一樣，足球小將改回日本名叫隊長小翼真的很不習慣…我想跟大家分享的是我自己的兒時記憶，所以還是叫回足球小將吧！印象中我有看過小學篇和中學篇～之後去歐洲和世青那些，d人物比例超奇怪的已經沒在看。
小學篇節奏很慢，戴志偉（大空翼）在落後緊的時候就會話場波依家先開始！然後傳球傳了兩集，跟住志偉同大家講要將足球當是自己朋友（那時已有疑問誰會不斷踢自己朋友？），射球前要腳要180度放後腦，緩緩踢下來，以為要射了？想起勞比度叔叔說過些什麼～然後有一堆人手左擺加擺跑跑跑去攔截～好了已經過了10集…可以要射波了？？無錯！咁入唔入呀？ 少年你太年輕！依家先係回憶的開始！入唔入是再過了20集才知道～
戴志偉的絕招就是倒掛金勾和衝力射球（即係曲墜），小志強的係猛虎射球射穿個網，樑仔就有香蕉射球（記得果時超任出左隻game，用梁仔射波會出一堆香蕉！）仲有對孖仔立花兄弟，玩雜耍咁射波～
想講下小志強，小學時已經滿手肌肉！覺得他跟龍珠的比達是一樣的，很努力地挑戰自我，然後永遠都輸俾戴次偉（悟空）…慘！不過點都唔夠健威慘…明明描寫到好厲害，有利用門柱三角跳躍擋波，而且球技上又無得直接比較，但大家都只係記得林源三係鋼門！而且林源三有次明明救唔到個波，竟然用自己頂帽去撈住個波…林源三又臭串…（原來我係咁唔鐘意林源三的，我自己都唔知添～）
記憶中比較喜歡的角色有三杉淳和麥泰來，三杉淳是中場指揮，高大靚仔球技仲0係次偉之上的，就係佢的出現令我學了越位陷阱！但就因為有心臟病所以踢唔足全場…次次心臟病發就會拿住個心口好痛苦咁的樣…搵資料話後來日本隊對德國隊的時候，三杉淳心口俾個波踢中，應聲倒地，漫畫是畫到三杉淳靈魂出竅周圍充滿天使的…似乎是byebye了…
麥泰來插班加入了南葛小學之後，志偉搵到合拍隊友即刻勁左！佢同志偉有次一齊跳起射波，今年英超就有人做了真人辦啦！超正～可惜泰來最後因為要跟爸爸移民（是不是很熟的橋段？上集同班同學又是講插班生又是移民）所以同志偉分開了！（呀，不是那種分開啦）不過志偉真係好傷心啦～
那時候的主角點都會配個女伴俾佢的，大頭妹就是這樣的角色，但因為感覺志偉的世界只有足球…（果然同悟空太似…）根本同大頭妹的愛情線是有點多餘…
就是這樣了！
你對足球小將有咩印象呢？ 請留言告訴我們！
想密切注意我們影片的話，請follow我們的IG ＠suckdouloan 和 subscribe我們塞豆窿youtube的頻道呀！最近還有podcast呢～
喜歡的話請訂閱我們的電子報，每星期一早上七時搶先電郵給你！ 感謝你們繼續支持！
塞豆窿上
寫在肚有點餓的星期三晚上
Comments