早幾日在ig發了一個請大家幫光仔小雞選聖誕裝的story！
大家反應都好踴躍呢～
最後算了小鹿裝！畫了做聖誕期間的icon！
有興趣可以到我們ig的story highlight看看～
這星期會努力剪塞豆窿發噏風喜之次篇的內容～
如果剪得切的話可能這星期中會上一集！敬請期待噢！
黎到第32集的塞豆窿記憶中的卡通啦！
上集講到伏魔小王子係來自希臘神話～
今集就講一下 集合了希臘﹑北歐﹑中國等不同的古代神話傳說的聖鬥士星矢啦！
想知道我們對聖鬥士星矢有什麼印象？
請立即到youtube按提醒，今晚九點首播時聽我們的分享噢！gogogo！
分享兒時看過的卡通片
某個Something Monday開始
我們會分一部份說說自己兒時看過的卡通片給大家
我們是成長在電視汁撈飯的時代
我們是那時候的卡通片及兒童節目養大的塞豆窿
製作動畫時 久不久也會想起 兒時看過的卡通點滴
或多或少是這個原故 才有現在製作卡通影片的衝動！
今天想跟大家分享的是「聖鬥士星矢」！
沉日同工作人員A傾傾大家對聖鬥士星矢的印象～佢話係羞恥的！what？追問之下覺得好搞笑所以跟大家分享！
大家都因為當時年紀太小，而星矢依套卡通片好似話因為有暴力場面，所以要避開合家歡時間，在深夜的十一﹑二點才會播出！當時的自己每天都是八點半最晚九點就入睡的！所以每個星期六要捱眼瞓等佢播係充滿困難的～
我同工作人員A屋企的大人都會不斷叫我們去睡覺～我自己的記憶係每次捱到佢開播，講番上文提要就睡著了～～～～
所以我只係記得好凌星的片段：套卡通有5個戰士主角，有個中國人叫紫龍，但佢套青銅戰衣唔係紫色而係綠色的！有個女仔戰士話要保護女神雅典娜，到後來才知道佢係男生！那就是阿瞬～佢最厲害應該係有個哥哥一輝，嘿！有事就叫哥哥～當星矢唔夠打就會叫燃燒小宇宙，一出天馬流星拳就會贏！
咁工作人員A的羞恥位0係邊呢？就是當時tbb要做聖鬥士星矢的大結局，節目完了彈出話：聖鬥士星矢已經播放完畢，下星期開始將會播放龍珠z！工作人員A話自己好震驚！覺得每個星期六的期待無了，要世界末日了！然後嬲了龍珠z…（點解？）因為錯誤認為依套龍珠z令聖鬥士星矢播完！ 似乎是有聲嘶力歇和仰天長嘯了好一段時間～～（笑）
咁最後點呢？工作人員A話到下個星期六播龍珠z的時候有諗住罷睇…然後無幾耐之後，就變了追龍珠z！！！
然後對於聖鬥士星矢的下一個印象已經是聖鬥士星矢Ω！記得當時還會開電視看，內容裡都沒有了我認識的星矢，冰河等，本來諗住轉台，然後我聽到，有個細路話佢係紫龍個仔～what？？我睇左果一集的，但完全唔記得內容～當時好記得聽到聖鬥士星矢原來已經有第二代…心想過多十年會唔會出曾孫系列～～～～
你對聖鬥士星矢的印象又是怎樣的？
請留言告訴我們！
想密切注意我們影片的話，請follow我們的IG ＠suckdouloan 和 subscribe我們塞豆窿youtube的頻道呀！最近還有podcast呢～
喜歡的話請訂閱我們的電子報，每星期一早上七時搶先電郵給你！
感謝你們繼續支持！
塞豆窿上
寫在星期日的中午
Comentarios